ក្តៅ៖ ប្រធានាធិបតីអាម៉េរិក ដូណាល់ ត្រាំ និងស្រ្តីទីមួយអាម៉េរិកដែលជាភរិយារបស់លោក តេស្តវិជ្ជមានកូវីដ ១៩
អាម៉េរិក៖ លោកប្រធានាធិបតីបាននិយាយកាលពីថ្ងៃសុក្រនេះថា លោក និងភរិយារបស់លោកគឺលោកស្រី Melania Trump បានធ្វើតេស្តិ៍វិជ្ជមានចំពោះវីរុសកូវីដ ១៩។ ការធ្វើតេស្តវិជ្ជមានធ្វើឡើងមួយខែរហូតដល់ការបោះឆ្នោតនៅសហរដ្ឋអាម៉េរិក និងបន្ទាប់ពីលោកប្រធានាធិបតីបានចំណាយពេលពេញមួយឆ្នាំមើលស្រាលលើការគំរាមកំហែងនៃវីរុសកូវីដ ១៩ នេះ។
ការធ្វើតេស្តវិជ្ជមានរបស់លោកប្រធានាធិបតី ធ្វើឡើងតែប៉ុន្មានម៉ោងប៉ុណ្ណោះបន្ទាប់ពីសេតវិមានបានប្រកាសថាជំនួយការជាន់ខ្ពស់លោក Hope Hicks បានឆ្លងវីរុសកូវីដ ១៩ បន្ទាប់ពីធ្វើដំណើរជាមួយប្រធានាធិបតីជាច្រើនដងក្នុងសប្តាហ៍នេះ។ លោកប្រធានាធិបតី ត្រាំ ត្រូវបានឃើញចុងក្រោយដោយអ្នកយកព័ត៌មានដែលវិលត្រឡប់ទៅកាន់សេតវិមាននៅល្ងាចថ្ងៃព្រហស្បតិ៍ ដែលមើលទៅមានសុខភាពល្អ។ លោកប្រធានាធិបតីមានអាយុ ៧៤ ឆ្នាំហើយដែលធ្វើឱ្យគាត់មានហានិភ័យខ្ពស់នៃផលវិបាកធ្ងន់ធ្ងរពីជំងឺកូវីដ ១៩ ដែលបច្ចុប្បន្ននេះវីរុសកូវីដ ១៩ បានសម្លាប់មនុស្សជាង ២០៥.០០០ នាក់នៅទូទាំងប្រទេស។
លោកប្រធានាធិបតី ត្រាំ បានបង្ហោះនៅលើគណនី Twitter របស់លោកថា "យប់នេះ ខ្ញុំ និងភរិយារបស់ខ្ញុំធ្វើតេស្តវិជ្ជមានវីរុសកូវីដ ១៩ ។ យើងនឹងចាប់ផ្តើមដំណើរការស្នាក់នៅដាច់ដោយឡែក និងការព្យាបាលភ្លាមៗ។ យើងនឹងជំនះឆ្លងកាត់ជំងឺនេះជាមួយគ្នា!" ។
Tonight, @FLOTUS and I tested positive for COVID-19. We will begin our quarantine and recovery process immediately. We will get through this TOGETHER!
— Donald J. Trump (@realDonaldTrump) October 2, 2020
វេជ្ជបណ្ឌិតរបស់ប្រធានាធិបតិបាននិយាយថា "លោកប្រធានាធិបតី និងលោកស្រីមានសុខភាពល្អធម្មតាទេនៅពេលនេះ" ហើយលោកទាំងពីរគ្រោងនឹងស្នាក់នៅក្នុងសេតវិមានក្នុងអំឡុងពេលនៃការស្នាក់នៅដាច់ដោយឡែក។
លោកបានបន្ថែមថា “ ខ្ញុំសូមធានាថាលោកប្រធានាធិបតីនឹងបន្តបំពេញភារកិច្ចរបស់ខ្លួនដោយគ្មានការរំខាននៅអំឡុងពេលនៃការព្យាបាល” ។
ការធ្វើរោគវិនិច្ឆ័យនេះគឺជាការប៉ះទង្គិចដ៏ធំមួយសម្រាប់ប្រធានាធិបតីមួយរូបដែលបានព្យាយាមបញ្ចុះបញ្ចូលសាធារណជនអាមេរិកថា ជំងឺរាតត្បាតដ៏អាក្រក់បំផុតគឺនៅពីក្រោយពួកគេ ទោះបីជាករណីឆ្លងនៅតែបន្តកើនឡើងប៉ុន្មានសប្តាហ៍មុនការបោះឆ្នោតថ្ងៃទី ៣ នៃខែវិច្ឆិកាក៏ដោយ។ ហើយវាឈរខ្ពស់ជាងគេដែលជាការបំភ័យសុខភាពសាធារណៈដ៏ធ្ងន់ធ្ងរបំផុត ដែលត្រូវបានជួបប្រទះចំពោះលោកប្រធានាធិបតីដែលកំពុងកាន់ដំណែងនៅក្នុងប្រវត្តិសាស្រ្តថ្មីៗនេះ៕
ប្រែសម្រួល៖ ក្នុងស្រុក
ប្រភព៖ NBCNEWYORK
ព័ត៌មានថ្មីៗ
