ពិតជាមានទឹកចិត្តមិនសរសើរមិនបាន! នាយកសាលាវត្តបូណ៍ ចុះថ្លៃគ្រប់បន្ទប់ឱ្យអ្នកជួល ៥០% ព្រោះតែយល់សេដ្ឋកិច្ចពេលនេះ
អ្នកណាៗក៏ដឹងដែរថា សាលាវត្តបូណ៌ នៅក្នុងខេត្តសៀមរាប គឺជាសាលាគម្រូមួយដែលមានការរៀបចំស្អាតបាទ វិន័យល្អ ក្រោមការដឹកនាំពីនាយកសាលា និងលោកគ្រូអ្នកគ្រូតែម្តង ដោយសាលានេះថែមទាំងមានឈ្មោះល្បីដល់បរទេសផងដែរ។
មិនត្រឹមតែជានាយកសាលាដ៏ល្អសម្រាប់លោកគ្រូអ្នកគ្រូនោះទេ លោកនាយកសាលាវត្តបូណ៍ ត្រូវបានគេស្គាល់ថាជាមនុស្សមានទឹកចិត្តខ្លាំង ដោយថ្មីៗនេះបន្ទប់ដែលលោកគ្រូជួលឱ្យគេ បានបញ្ចុះតម្លៃដល់ទៅ ៥០% ដល់អ្នកជួល ដើម្បីយោគយល់ពីជីវភាពសេដ្ឋកិច្ចដែលកំពុងតែមានបញ្ហាដោយសារតែវីរុស Covid-19 ។
តាមរយៈគណនីហ្វេសប៊ុក Lyna Gideon បានរៀបរាប់ឱ្យដឹងថា៖ « បើម្ចាស់ផ្ទះផ្សេងទៀតមានទឹកចិត្តដូចលោកគ្រូ ល្អខ្លាំងម៉ង នៅក្នុងស្ថានភាពបែបនឹង ដេកៗ ម្ចាស់ផ្ទះខលមកស្មានមានការអីលើកទូរស័ព្ទភ្លាមមិនទាន់បាននិយាយអីផង គាត់ថាខែនេះចុះថ្លៃផ្ទះឲ្យ50% គ្រប់បន្ទប់តែម្តង អូហូ! អរនោះអរ សេដ្ឋកិច្ចកំពុងតែពិបាក តែលោកគ្រូយល់ពីស្ថានភាពពិភពលោកកំពុុងចលាចលជាមួយមេរោគកូរ៉ូណា លោកគ្រូក៏មានការបន្ធូរបន្ថយថ្លៃផ្ទះដែរ អរគុណលោកគ្រូនយកសាលាវត្តបូណ៍ 🙏🙏❤❤ »។
នេះពិតជាទឹកចិត្តដ៏ថ្លាថ្លៃមែន ដែលលោកនាយកសាលាចេះយោគយល់ ក្នុងស្ថានភាពសេដ្ឋកិច្ចដែលមានការកកស្ទះដោយសារតែវីរុស Covid-19 ៕
ព័ត៌មានថ្មីៗ
