ខ្ជូតអស់ទាស់! វិទ្យាល័យបាក់ទូក លាបរបង និងអគារសាលាពណ៌ផ្កាឈូក ឃើញហើយមានអារម្មណ៍ចង់រៀនហ្មង
ជាការពិតណាស់ នៅក្នុងវ័យសិក្សា គឺជាវ័យដែលត្រូវប្រឹងប្រែងខ្លាំង និងស្មុគស្មាញស្ត្រេស នៅក្នុងការសិក្សា ដើម្បីបំពេញចំណេះវិជ្ជាប្រលងចេញទៅថ្នាក់ឧត្តមឱ្យបានជាប់ពេញដោយចំណេះដឹង។
តែយ៉ាងណាក្តីនៅក្នុងវ័យស្ត្រេសបែបនេះ លោកគ្រូអ្នកគ្រូ និងនាយកសាលាតែងតែខិតខំបង្រៀនសិស្សឱ្យចេះចាំតាមវិធីផ្សេងៗរៀងៗខ្លួនតាមបទពិសោធន៍ផ្សេងៗគ្នា ឬក៏ស្វែងរកកកម្មវិធីឱ្យសិស្សបានលំហែពីការសិក្សាដោយការបង្កើតកម្មវិធីសិក្សាបែបកម្សាន្តឱ្យសិស្សបានឆាបចេះចាំ និងមានចិត្តចង់រៀនជាដើម។
ជាក់ស្តែង សម្រាប់វិទ្យាល័យបាក់ទូកវិញ បានធ្វើឱ្យសិស្សានុសិស្ស និងមហាជនភ្ញាក់ផ្អើលខ្លាំង ដោយរបងសាលា បានចាប់ផ្តើមលាបពណ៌ផ្កាឈូកស្រស់ស្អាតចែងចាំងតែម្តងធ្វើឱ្យសិស្សៗហាក់មានអារម្មណ៍រីករាយពេលឃើញសាលាខ្លួន ហើយលើសពីនេះ ក៏មានការចាប់ផ្តើមលាបពណ៌អគារពណ៌ផ្កាឈូកដូចគ្នា ដោយចាប់ផ្តើមពិអគារថ្នាក់ទី ១១ ទៅ គ្រាន់តែឃើញស្រស់ស្រាយតែម្តង។
អាចនិយាយបានថាការផ្តើមគំនិតលាបពណ៌បែបនេះ គឺជាយុទ្ធសាស្រ្តរបស់ខាងគណកម្មការវិទ្យាល័យបាក់ទូក ដើម្បីកែលំអសោភណ្ឌភាពសាលាផង និងដើម្បីឱ្យសិស្សានុស្សមានអារម្មណ៍ថាស្រលាញ់សាលាចង់សិក្សាទៀតផង៕
ប្រភពរូបភាព៖ Bak touk
ព័ត៌មានថ្មីៗ
