BloodShot / ឆ្មាំលោហិត ខ្សែភាពយន្តបាញ់បោះបែបវិទ្យាសាស្រ្តសង្គ្រាមបច្ចេកវិទ្យា ធានាថាល្អមើលជក់ចិត្ត (មានវីដេអូ)
សម្រាប់អ្នកដែលចូលចិត្តទស្សនាភាពយន្តបាញ់ប្រហារ ពិតណាស់ ចំណីអារម្មណ៍ និងចំណីចក្ខុប្លែកបានមកដល់ហើយ នោះគឺខ្សែភាពយន្ត BloodShot ឬមានចំណងជើងខ្មែរថា ឆ្មាំលោហិត ។
BloodShot / ឆ្មាំលោហិត គឺជាខ្សែភាពយន្តថ្មីទំនើបបែបបាញ់ប្រហារគ្នា ជាមួយនឹងបច្ចេកវិទ្យាជឿនលឿន និងវិទ្យាសាស្រ្តទំនើបដែលមិនធ្វើឱ្យលោកអ្នកខកបំណងឡើយ ដោយស្ថិតនៅក្រោមការផលិតពី Columbia Picture ដែលស្គាល់ថាជា Sony ជាភាពយន្តយកចេញពីសៀវភៅត្លុក (Comic) ល្បីល្បាញខ្លាំង ថែមទាំងចូលរួមដោយតារាលំដាប់អាជីពល្បីៗពេញដោយសមត្ថភាពកម្រិតពីភពលោក និងស្តង់ថាជាច្រើនរូបផងដែរ។
ខ្សែភាពយន្តដ៏ជក់ចិត្តនេះ និយាយពី Ray Garrison ដែលជាទាហានម្នាក់ត្រូវបានសម្លាប់ដោយពពួកភេរវករ ពិសេស តែ Ray មានសំណាងល្អ ដែលត្រូវបានលោកដុកទ័រ Emil Harting បានបរិច្ចាកសាកសពគេយកទៅដល់ក្រុមហ៊ុន Doctor Harting ហើយបានធ្វើការពិសោធន៍ចាក់សេរ៉ូមពិសេសសង្រ្គោះជីវិតវិញ ។ ក្រោយពី Ray បានដឹងខ្លួន និងរស់រានសារជាថ្មីឡេីងវិញរូបគេទទួលបានឈាមពិសេសនៃបច្ចេកវិទ្យាសម័យទំនេីបដែលនៅក្នុងឈាមគេមានភាគល្អិតរាប់លានអាចជួសជុលខ្លួនគេកុំឱ្យមានរបួស និងមានកម្លាំងមហិមាទៀតផង។
ក្រៅពីសាច់រឿង និងការសម្តែងពិតជាល្អពិសេសហើយនោះ រឿងមួយនេះមានការបង្ហាញពីបច្ចេកវិទ្យាសម័យទំនេីបជឿនលឿន បែបប្រតិដ្ឋ ទោះបីហួសពីការពិតបច្ចុប្បន្នបែរធ្វើឱ្យអ្នកទស្សនាស្លុងអារម្មណ៍បានល្អ ជាមួយនឹងការរៀបសាច់រឿងសមហេតុផលអាចទទួលយកបាន។
កុំភ្លេចណាមកទស្សនា BloodShot / ឆ្មាំលោហិត ទាំងអស់គ្នា ដើម្បីទទួលបាននូវបទពិសោធន៍នៃការទស្សនាកុនដ៏ល្អមើលមួយនេះ ជាពិសេសរបើបានទស្សនាប្រភេទភាពយន្ត 4Dx ទៀតនោះ ដឹងតែស្លុងអារម្មណ៍ចូលតួតាមដូចជាស្ថិតនៅក្នុងសាច់រឿងពិតៗតែម្តង។
កុំភ្លេចណា BloodShot / ឆ្មាំលោហិត មានចាក់បញ្ចាំងហើយ គ្រប់បណ្តារោងភាពយន្តចាប់ពីថ្ងៃទី ១៣ ខែមីនា ឆ្នាំ ២០២០ នេះតទៅ។
ក្រុមការងារក្នុងស្រុក ក៏សូមថ្លែងអំណរគុណទៅដល់ ចៃកុន JaiKon សម្រាប់សំបុត្រ Pre-Screening និង Poster ដ៏ស្រស់ស្អាតសម្រាប់ខ្សែភាពយន្ត BloodShot / ឆ្មាំលោហិត ៕
សូមទស្សនាវីដេអូ Trailer រឿង ខ្លីដូចខាងក្រោមនេះ ៖
ព័ត៌មានថ្មីៗ
