រំភើបណាស់! អត្តសញ្ញាណខ្មែរពិតៗ សូម្បីរាជទាយាទអង់គ្លេសក៏លើកដៃសំពះ ជំនួសពីការចាប់ដៃជាការគោរពគ្នា
ទន្ទឹមនឹងការរាតត្បាតខ្លាំងនៃវីរុស COVID-19 ប្រទេសជាច្រើនទូទាំងសកលលោកបានបន្ថែមការប្រុងប្រយ័ត្នខ្ពស់ ជាពិសេសគឺការរក្សាអនាម័យខ្លួនប្រាណ ពោលបញ្ចៀសការចាប់ដៃ ឬប៉ះរបស់របរសាធារណៈអ្វីមួយ ដែលវាអាចមានវីរុសទំនៅលើនោះ។
ជំនួសដោយការចាប់ដៃមនុស្សជាច្រើនមិនថាស្បែកស ស្បែកខ្មៅ បានផ្លាស់ប្តូរមកលើកដៃសំពះ ដែលនេះក៏នាំផលចំណេញមួយដល់កម្ពុជា តាមរយៈការចែកចាយនូវអត្តសញ្ញាណខ្មែរពិតៗទៅឲ្យពិភពលោកបានស្គាល់។
មិនខុសពីវីដេអូមួយដែលចែករំលែកលើគណនី Narith Suon បានទទួលការ Share ដល់ទៅជាង ១ មុឺនដង ដោយលោកបានសរសេររៀបរាប់ថា៖ "ដោយសាតែ កូរ៉ូណាវីរុស ជនស្ពែកស ក៏គោរពគ្នាដោយលើកដៃសំពះដែរ។ រូបរាជទាយាទ ឆាល នៃចក្រភពអង់គ្លេស"។
https://www.facebook.com/narith.suon/videos/2969422049756433/
សារនេះដែរក៏មានបងប្អូនយើងចូលរួមបញ្ចេញមតិថាសកម្មភាពបែបនោះ អាចសបញ្ជាក់ពីការផលចំណេញក្នុងការលើកស្ទួយដល់ប្រពៃណីខ្មែរ និងជាវប្បធម៌មួយរបស់ជនជាតិអាស៊ីភាគច្រើនដែលជាទូទៅរមែងលើកដៃសំពះជាការគោរព ជាជាងការចាប់ដៃគ្នា។
រំឭកថាការសំពះរបស់ខ្មែរមានប្រវត្តិប្រមាណ ៥០០ ឆ្នាំមុនគ្រឹះសករាជមកម្ល៉េះ ហើយនៅតាមជញ្ជាំងប្រាសាទនានាក៏បានបង្ហាញយ៉ាងច្បាស់ពីរបៀបនៃការគោរពឬសំពះទៅតាមឋានានុក្រមនីមួយៗផងដែរ។ នេះបើតាមការបញ្ជាក់របស់លោកបណ្ឌិត ចិន្ត ច័ន្ទរតនា ប្រធានមូលនិធិកេរដំណែលខ្មែរធ្លាប់លើកឡើងកន្លងមក៕
ប្រភព៖ Facebook
ព័ត៌មានថ្មីៗ
