សារមន្ទីរព្រះស្រីឦសានវរ្ម័ន (សារមន្ទីរ ស.ស.រ) នៅចំកណ្ដាលក្រុងភ្នំពេញ ចំណាយពេលត្រឹមតែ ២ ទៅ ៣ ម៉ោង អាចស្វែងយល់ពីប្រវត្តិសេដ្ឋកិច្ចកម្ពុជាជាង២១ សតវត្ស
ភ្នំពេញ៖ សារមន្ទីរព្រះស្រីឦសានវរ្ម័ន រឺ ហៅកាត់ថា សារមន្ទីរ ស.ស.រ (សារមន្ទីរសេដ្ឋកិច្ច និង រូបបិយវត្ថុនៃកម្ពុជា) គឺជាសារមន្ទីរដ៏ទំនើបមួយដែលបានបើកអោយដំណើរជាផ្លូវការកាលពីខែ មេសា ឆ្នាំ ២០១៩ ដែលសារមន្ទីរមួយនេះជាសារមន្ទីរបង្ហាញអំពីសាវតាសេដ្ឋកិច្ច និងរូបិយវត្ថុរបស់ខ្មែរតាំងពីសម័យកាលហ្វូណន រហូតមកដល់បច្ចុប្បន្ន ។
ដោយសារមន្ទីរនេះពិតជាមានសារៈសំខាន់ជាខ្លាំង ដែលកូនខ្មែរគ្រប់រូបគួរតែទៅយ៉ាងហោចណាស់អោយបានម្តង ត្រឹមតែ ២ ទៅ៣ម៉ោង ព្រោះថាក្រៅពីបានរំលឹកឡើងវិញនូវអ្វីដែលយើងធ្លាប់ដឹង សារមន្ទីរនេះក៏បានបង្ហាញនូវរឿងរ៉ាវមួយចំនួនដែលយើងមិនធ្លាប់ដឹងអំពីប្រវត្តិសាស្រ្ត ។ តាមរយៈការបង្ហាញពីប្រវត្តិសាស្ត្រ ក៏ដូចជាកាវិវត្ត និង តថភាពក្នុងពេលបច្ចុប្បន្ន វាក៏ជាកន្លែងមួយដែលធ្វើអោយយើងកាន់តែយល់ច្បាស់ថា ហេតុអ្វីបានជាប្រទេសយើងស្ថិតនៅក្នុងចំនុចមួយនេះ តែអ្វីខ្លះដែលយើងកំពុងជួបប្រទះ ដើម្បីរួមគ្នាគិតបន្ដថា តើក្នុងនាមយើងជាពលរដ្ឋម្នាក់ យើងគិតឃើញអ្វីខ្លះសំរាប់ជួយ ប្រទេសជាតិសំរាប់ពេលអនាគត។
គួរឱ្យដឹងផងដែរថា សារមន្ទីរព្រះស្រីឦសានវរ្ម័ន រឺ ហៅកាត់ថា សារមន្ទីរ ស.ស.រ មានទីតាំងស្ថិតនៅក្នុងអគារលេខ១៦ ផ្លូវលេខ១០៦ សង្កាត់វត្តភ្នំ ខណ្ឌដូនពេញ រាជធានីភ្នំពេញ។ ដោយបើកដំណើរការចាប់ពីម៉ោង ៩ ព្រឹក ដល់ ម៉ោង ៦ ល្ងាច ពីថ្ងៃអង្គារដល់ថ្ងៃ អាទិត្ យ( សម្រាករៀងរាល់ថ្ងៃចន្ទ) និងមានតម្លៃសំបុត្រ ២០០០រៀលសំរាប់សិស្ស និង កុមារ (កុំភ្លេចយកកាតសិស្សទៅ) ៤០០០រៀល សំរាប់ប្រជាជនខ្មែរ និង ២០០០០រៀលសំរាប់ជនបរទេស៕
ប្រភពរូបភាព និងអត្ថបទ៖ Planet Diew
ព័ត៌មានថ្មីៗ
