ផ្លែឈើទាំង ៤ ប្រភេទ ល្អបំផុតសម្រាប់ការលូតលាស់របស់កុមារ
ផ្លែឈើទាំង ៤ ប្រភេទនេះពិតជាល្អណាស់សម្រាប់ការលូតលាស់របស់កុមារ ដូច្នេះហើយអ្នកម្តាយគ្រប់រូបគួរតែឱ្យកូនៗញុំាឱ្យបានច្រើន។
១. ផ្លែបឺរ
ផ្លែបឺរគឺជាផ្លែឈើមួយ ក្នុងចំណោមផ្លែឈើដែលជាប់ចំណាត់ថ្នាក់កំពូលនៃអាហាររបស់កុមារ។ ផ្លែបឺរ សម្បូរទៅដោយជាតិដែក ប៉ូតាស្យូម ជាតិសរសៃ វីតាមីន… ផ្លែបឺរអាចញុំាបានដោយមិនបាច់ត្រូវកែច្នៃអ្វីទាំងអស់។ ភាពរលោងនៃផ្លែបឺរបន្ទាប់ពីកិនរួច គឺស័ក្តិសមបំផុតសម្រាប់ទារកដែលទើបតែចាប់ផ្តើមញ៉ាំ។
អ្នកអាចឱ្យកូនរបស់អ្នកញ៉ាំផ្លែប័រទេរ លាយជាមួយទឹកដោះម្តាយ - ទឹកដោះគោឆៅ ឬផ្សំផ្លែប័រសុទ្ធជាមួយចេក ឬល្ពៅ ផ្លែប៉ោម ឬដំឡូងជ្វា ដំឡូងបារាំង ដើម្បីធ្វើជាអាហារផ្តាច់ដោះដំបូងសម្រាប់ទារកដែលមានអាយុ 6 ខែ។ សម្រាប់ទារកដែលមានអាយុចាប់ពី 8-12 ខែ អ្នកអាចបង្កើតការប្រែប្រួលផ្សេងទៀតដូចជា៖ ផ្លែបឺរ + ស្វាយ + ទឹកដោះគោជូរ។ ផ្លែបឺរ + ផ្លែល្ហុង + គីវី; ផ្លែបឺរ + ការ៉ុត + ដំឡូង… គឺល្អបំផុត។
២. ផ្លែប៉ោម
ផ្លែប៉ោមមានរសជាតិឆ្ងាញ់ ប៉ុន្តែនោះមិនមែនជាហេតុផលចម្បងដែលកុមារគួរញ៉ាំផ្លែប៉ោមច្រើននោះទេ។ ផ្លែប៉ោមពិតជាផ្លែឈើមួយប្រភេទដែលល្អបំផុតសម្រាប់សុខភាពមនុស្ស។ សារធាតុចិញ្ចឹមដែលផ្លែប៉ោមផ្តល់ឱ្យពិតជាអាចជួយឱ្យកុមារមានសុខភាពល្អ និងងាយស្រួលធ្វើកិច្ចការដែលពួកគេចូលចិត្ត ដូចជាការរត់ ការលេងកីឡាជាដើម។
ផ្លែឈើនេះមានអត្ថប្រយោជន៍ច្រើនណាស់ ដែលអាចជួយឱ្យកូនលូតលាស់បានល្អ ។ ជាដំបូង សារជាតិ pectin ដែលមាននៅក្នុងផ្លែប៉ោម គឺជាប្រភេទជាតិសរសៃ ដែលមានលក្ខណៈសម្បត្តិអស្ចារ្យមួយចំនួន។ វារលាយក្នុងទឹក និងជួយជម្រុញបាក់តេរីមានប្រយោជន៍ឱ្យរស់នៅក្នុងប្រព័ន្ធរំលាយអាហាររបស់ក្មេង ខណៈពេលដែលប្រយុទ្ធប្រឆាំងនឹងបាក់តេរីអាក្រក់ទាំងឡាយដែលព្យាយាមរស់នៅទីនោះ។ ទីពីរ សារធាតុរ៉ែមួយហៅថា បូរុន ជួយបង្កើតឆ្អឹង និងធ្មេញឱ្យរឹងមាំ។ ដោយសារកូនរបស់អ្នកស្ថិតក្នុងឆ្នាំដ៏សំខាន់បំផុតនៃការអភិវឌ្ឍន៍របស់គាត់ សារធាតុរ៉ែនេះគឺចាំបាច់សម្រាប់ពួកគេ។
ក្រៅពីនេះ ផ្លែប៉ោមក៏សម្បូរទៅដោយវីតាមីន C ផងដែរ។ ផ្លែប៉ោមមួយផ្លែអាចផ្តល់មួយភាគបួននៃតម្រូវការវីតាមីន C របស់កុមារក្នុងមួយថ្ងៃ។ ជាចុងក្រោយ ផ្លែប៉ោមជួយការពារអ្នក និងកូនរបស់អ្នកពីជំងឺដូចជា គាំងបេះដូង មហារីក ជំងឺចក្ខុវិស័យ ជំងឺទឹកនោមផ្អែម-ល-។ ការបន្ថែមផ្លែប៉ោមទៅក្នុងរបបអាហារប្រចាំថ្ងៃរបស់អ្នកគឺងាយស្រួលណាស់ ។ ផ្លែប៉ោមជាបង្អែមស្រាលបន្ទាប់ពីអាហារ។ បើមិនដូច្នេះទេ អ្នកក៏អាចឱ្យកូនរបស់អ្នកផឹកទឹកផ្លែប៉ោមមួយពែង ឬផ្សំជាមួយផ្លែឈើផ្សេងទៀតដែលនឹងល្អសម្រាប់គាត់ ដូចជាការ៉ុត ឬក្រូច។
៣. ចេក
ចេកសម្បូរទៅដោយកាបូអ៊ីដ្រាត ដែលអាចជួយពង្រឹងសាច់ដុំ។ ប្រាកដណាស់ ក្មេងៗមិនត្រូវការចេកដើម្បីទទួលបានសាច់ដុំទេ ទោះជាយ៉ាងណាក៏ដោយ ក្មេងៗត្រូវការកាបូអ៊ីដ្រាតជាប្រភពថាមពល។ ចេកក៏សម្បូរទៅដោយវីតាមីន B6 ដែលចាំបាច់សម្រាប់សុខភាពស្បែក ប្រព័ន្ធសរសៃប្រសាទ និងការផលិតថាមពលចាំបាច់សម្រាប់រាងកាយ។ លើសពីនេះ ចេកក៏ជាប្រភពដ៏ល្អនៃជាតិសរសៃ វីតាមីន C និងប៉ូតាស្យូម ដែលនឹងជួយឱ្យបេះដូងកូនរបស់អ្នករឹងមាំ។
អ្វីដែលគួរឱ្យភ្ញាក់ផ្អើលនោះគឺ ផ្ទុយពីអ្វីដែលមនុស្សជាច្រើនគិតថា ផ្លែចេកគ្មានជាតិខ្លាញ់ ដូច្នេះកុមារអាចញុំាផ្លែឈើល្អៗទាំងនេះដោយគ្មានការព្រួយបារម្ភ។ ដើម្បីបន្ថែមចេកទៅក្នុងរបបអាហាររបស់កូនអ្នក អ្នកអាចលើកទឹកចិត្តកូនរបស់អ្នកឱ្យញ៉ាំចេក ឬធ្វើអាហារសម្រន់មួយចំនួនដូចជា នំចេក ឬការ៉េមចេកជាដើម។
៤. ផ្លែក្រូច
ផ្លែក្រូចគឺជាផ្លែឈើដែលមានតម្លៃ ដែលសម្បូរទៅដោយវីតាមីន C គួរឱ្យចាប់អារម្មណ៍។ ក្រូចមួយផ្លែមានបរិមាណវីតាមីន C ដែលត្រូវបានណែនាំឱ្យញ៉ាំរយៈពេល ២ ថ្ងៃក្នុងមួយសប្ដាហ៍។ ក្រូចក៏ជាប្រភពសម្បូរជាតិសរសៃផងដែរ មានផ្ទុកសារធាតុ beta carotene និង carotenoids ជាច្រើនទៀត។ ក្រៅពីនេះ ជាតិផ្អែមធម្មជាតិបានមកពីបរិមាណដ៏ច្រើននៃជាតិស្ករ fructose ក៏ដូចជា sucrose ។
លើសពីនេះទៀត សម្បកក្រូចគឺជាប្រភពដ៏ល្អនៃសារជាតិ pectin ដែលជាប្រភេទជាតិសរសៃរលាយ និងសារជាតិ flavonoids ដែលអាចការពារជំងឺផ្តាសាយបានយ៉ាងល្អ។ ដោយសារតែអត្ថប្រយោជន៍ដ៏អស្ចារ្យនៃផ្លែក្រូច ឪពុកម្តាយគួរតែលើកទឹកចិត្តកូនៗឱ្យផឹកទឹកក្រូចច្របាច់ស្រស់មួយកែវ ឬគ្រាន់តែញ៉ាំផ្លែក្រូចពីរបីផ្លែក្នុងមួយថ្ងៃ។ លើសពីនេះ ការរួមផ្សំនៃផ្លែក្រូច និងការ៉ុត គឺជាទឹកផ្លែឈើដ៏ល្អសម្រាប់កុមារ ជួយពង្រឹងប្រព័ន្ធការពាររាងកាយ៕
ប្រភព ៖ បរទេស / Knongsrok
ព័ត៌មានថ្មីៗ
