ចរិតចោលម្សៀតទាំង ៤ របស់មនុស្សប្រុស ស្រីឆ្លាត ដាច់ខាតមិនយកខ្លួនបៀតឡើយ
ចរិតទាំង ៤ ចំណុចនេះ ជាភាពចោលម្សៀតបំផុតរបស់មនុស្សប្រុស ដូច្នេះហើយ មនុស្សស្រីត្រូវចំណាំទុក បើអ្នកឆ្លាត ដាច់ខាតកុំយកខ្លួនទៅពាក់ព័ន្ធ ទាក់ទងនឹងមនុស្សប្រុសប្រភេទនេះឱ្យសោះ គ្មានកំណើតទេ។
១. សាវា ផិតក្បត់
អំពើផិតក្បត់ គឺប្រឆាំងនឹងទំនៀមទម្លាប់ និងសីលធម៌ដ៏ល្អរបស់មនុស្ស។ អ្នករៀបការហើយរស់នៅដោយមិនស្មោះត្រង់ជាមួយដៃគូ គឺមិនអាចទទួលយកបានឡើយ។ ពេលរស់នៅជាមួយគ្នា តែជីវិតគូពោរពេញដោយភាពកុហកដោយមិនដឹងខ្លួន វាជាទង្វើដ៏ឈឺចាប់បំផុត។ នៅពេលដែលបុរសម្នាក់ប្រព្រឹត្តអំពើផិតក្បត់ គាត់នឹងរកហេតុផលគ្រប់គ្រាន់ដើម្បីមើលងាយប្រពន្ធ ហើយបង្ខំនាងឱ្យចាកចេញពីគាត់។
បុរសដែលរៀបការមានប្រពន្ធ មានគ្រួសារត្រឹមត្រូវ ពួកគេនឹងអាចធ្វើរឿងដ៏អស្ចារ្យជាច្រើន។ ប៉ុន្តែនៅពេលដែលពួកគេបាត់បង់ជំនួយពីប្រពន្ធរបស់ពួកគេ ភាពលំបាកដូចជាការបាត់បង់ដៃស្តាំរបស់ពួកគេនៅក្នុងជីវិត អ្វីគ្រប់យ៉ាងនៅក្នុងការងារ និងស្មារតីនឹងកាន់តែលំបាក។ ទោះបីជាប្រពន្ធខ្លះមិនមានសមត្ថភាពខ្លាំងក៏ដោយ ប៉ុន្តែវត្តមានរបស់នាងនឹងជួយឱ្យបុរសមានអារម្មណ៍សុវត្ថិភាពនៅពេលធ្វើការនៅក្នុងសហគមន៍។
២. ដើរលេង ផឹកស៊ីមិនចេះគិត
បុរសជាច្រើនចូលចិត្តផឹកស៊ី ជក់បារី ចូលចិត្តជួបជុំជាមួយមិត្តភ័ក្តិ ដើរលេង ស្រែកច្រៀងអាវាសែ ហើយតែងតែភ្លេចកាតព្វកិច្ចមើលថែគ្រួសារ។ នៅពេលមនុស្សប្រុសនៅក្មេង ពួកគេទទួលយកមិត្តភក្តិជាច្រើនប្រភេទនេះ។ គេចូលចិត្តធ្វើមិត្តដោយគិតថាអ្នករាល់គ្នាជាមិត្ត។ ប៉ុន្តែជាមួយនឹងអាយុកាន់តែច្រើន មិត្តភក្តិកាន់តែតិចទៅៗ អ្នកនឹងរកឃើញមិត្តដ៏ពិតប្រាកដ។
៣. ប្រព្រឹត្តិល្បែងស៊ីសង
ល្បែងស៊ីសង គឺជាជណ្ដើរឆ្ពោះទៅកាន់ពិភពក្ររលាយទ្រព្យ។ សព្វថ្ងៃនេះមានការលេងល្បែងច្រើនទម្រង់ ប៉ុន្តែការពេញនិយមបំផុតគឺការលេងឆ្នោត។ ជាអ្នកលេងល្បែង ពេលឈ្នះសប្បាយអរ ពេលចាញ់រករឿងឈ្លោះទាស់គ្នា។
ល្បែង តែងវិនាស ទោះអ្នកឈ្នះបានលុយច្រើនយ៉ាងណា ក៏គង់តែរលាយទៅវិញអស់។ ដូច្នេះ មនុស្សដែលប្រព្រឹត្តិល្បែងស៊ីសង គ្មានកំណើតនោះឡើយ ត្រូវចាំថា អ្នកលេងល្បែង មិនដែលថ្កុំថ្កើងទេ លទ្ធផលចុងក្រោយគឺមានតែបែកបាក់ បាត់បង់ កុំថាឡើយទ្រព្យ សូម្បីតែគ្រួសារក៏មិនសល់ដែរ។
មនុស្សឆ្លាតត្រូវចងចាំ កុំលោភលន់ពេក កុំចង់បានលុយពីការលេងល្បែង។ ត្រូវចេះប្រើប្រាស់វាឱ្យត្រូវពេលវេលា លុយកាក់រកមកយ៉ាងលំបាក ដូច្នេះត្រូវប្រើឱ្យចំពេលវេលា ចាយឱ្យចំខ្ទង់ កុំប្រើក្នុងវង់ល្បែង ហើយរំពឹងថា នឹងឈ្នះមកវិញនោះ។
៤. រកលុយទាំងល្ងង់ខ្លៅ
មនុស្សគ្រប់រូបមានក្តីសុបិនចង់ក្លាយជាអ្នកមាននៅថ្ងៃអនាគត។ មនុស្សគ្រប់គ្នាសុបិនចង់មានទ្រព្យសម្បត្តិដ៏ធំ អាចជួយដល់ក្រុមគ្រួសារ រស់នៅក្នុងជីវិតស្រណុកស្រួល។ លុយនឹងនាំមកនូវការផ្លាស់ប្តូរក្នុងជីវិត។ ប៉ុន្តែសម្រាប់មនុស្សប្រុសដែលគ្មានគោលដៅជីវិត មិនចេះខិតខំ មិនចង់មានចង់បាន ឬប្រភេទមនុស្សប្រុសដែលកាន់តែលោភលន់ នោះជីវិតរឹតតែងាយនឹងបរាជ័យ។ ក្នុងជីវិតមនុស្សជាច្រើនលោភលន់នឹងលុយ រហូតភ្លេចទំនួលខុសត្រូវចំពោះមនុស្សជាទីស្រឡាញ់ មនុស្សប្រុសបែបនេះ នឹងនាំទុក្ខ សាងបញ្ហាដល់គ្រួសារយ៉ាងខ្លាំង មិនចាញ់អ្នកលេងល្បែង ដើរលេង ស៊ីផឹក បំផ្លាញទ្រព្យនោះឡើយ៕
ប្រភព ៖ បរទេស / Knongsrok
ព័ត៌មានថ្មីៗ
