នៅពីក្រោយភាពជោគជ័យរបស់បាល់ទះកម្ពុជាលើថៃ បង្កប់រឿងដ៏សោកសៅមួយរបស់សមាជិកជម្រើសជាតិ
ជ័យជម្នះជាប្រវត្តិសាស្រ្តរបស់ក្រុមបាល់ទះកម្ពុជាជារឿងមួយគួរឱ្យរីករាយបំផុត ប៉ុន្តែនៅពីក្រោយជ័យជំនះរបស់កម្ពុជាថ្ងៃនេះ ក៏មានរឿងសោកសៅជាខ្លាំង ពោលគឺអ្នកម្ដាយរបស់សមាជិកបាល់ទះកម្ពុជា កីឡាករ ឈាង ភារ័ត្ន បានទទួលមរណះភាពមុនពេលប្រកួតជាមួយថៃ តែត្រូវបានក្រុមគ្រួសារលាក់បាំងខ្លាចប៉ះពាល់ការប្រកួតតំណាងជាតិ ។
គណនីហ្វេសបុកឈ្មោះ « ប្អូនសុំទោសណាបងណា 😓ប្អូនបានលាក់បាំងបងព្រោះខ្លាចប៉ះពាល់ដល់ការប្រគួតរបស់បងព្រោះជាការប្រគួតប្រវត្តិសាស្រ្ត 😓ពួកខ្ញុំគ្មានបំណងទេបង😓តែអ្នកគ្រប់គ្នាដឹងពីអារម្មណ៍បងទើបសម្រេចចិត្តធ្វើបែបនឹង 😓បងធ្វើចិត្តឱ្យបានណាបង រឹងមាំណាបងនៅសល់តែមួយប្រកួតទេ😓 សុំទោសណាបង😓😭 ប្អូនអង្គុយស្រែកឱ្យបងទាំងអួល ទាំងទ្រូងស្ទើរបែកពេលឃើញមុខបង»។
ការវាយបកយកឈ្នះដ៏អស្ចារ្យក្នុងលទ្ធផល 3-2 (18-25, 21-25, 25-21, 25-16, 15-10) ទល់នឹងថៃបានជួយបាល់ទះកម្ពុជាផ្លាស់ប្តូរពណ៌មេដាយនៅក្នុងស៊ីហ្គេមឆ្នាំនេះ។ ពួកគេនឹងជួបក្រុមឥណ្ឌូណេស៊ីនៅវគ្គផ្តាច់ព្រ័ត្រនៅយប់នេះ៕
រក្សាសិទ្ធិដោយ៖ ក្នុងស្រុក
អំពីអ្នកសរសេររបស់យើង៖ PECH PHEARUN
Tel:
ព័ត៌មានថ្មីៗ
