ម្ចាស់ឆ្នាំទាំង ៣ យ៉ាងយូរ ៤ សប្ដាហ៍ទៀត លាភនឹងចូលមកបិទគ្រោះ រសាត់អស់បញ្ហាទាំងឡាយ
ការលំបាក បញ្ហានានាទាំងឡាយ នឹងត្រូវរសាត់បាត់អស់ យ៉ាងយូរក្នុងរយៈពេល ៤ សប្តាហ៍ទៅមុខ។ អ្នកកើតឆ្នាំទាំង ៣ ទេវតាបានមើលឃើញពីការតស៊ូ អំណត់អត់ធន់ ដូច្នេះរឿងមិនល្អទាំងឡាយ នឹងត្រូវបានលាភចូលមកបាំងជិត នាំឲ្យជួបតែរឿងល្អ នាពេលដ៏ខ្លីខាងមុខ៖
អ្នកកើតឆ្នាំខាល – ខ្លា
បុគ្គលនេះ រមែងមានដំណោះស្រាយនៅបញ្ហាដែលជួបប្រទះ តែជួនខ្លះ ដោយសារគ្រោះវាចូលមកផ្ទួនៗពេក ទើបនាំឲ្យពួកគេហាក់មានភាពស្មុគស្មាញខ្លាំងក្នុងជីវិត។ ទោះជាយ៉ាងណា ភាពចម្រុងចម្រើននឹងត្រលប់ចូលមកដល់នៅពេលដ៏ខ្លីខាងមុខ ពោលយ៉ាងយូររយៈពេល ៤ សប្តាហ៍ទៀត។
បើកើតទុក្ខ កើតការលំបាក ត្រូវទន្ទេញពាក្យថា "វានឹងកើតឡើងរយៈពេលខ្លី" ឬ "វាកើតឡើងបណ្តោះអាសន្នប៉ុណ្ណោះ" ព្រោះតាមជើងលេខ ជីវិតរបស់អ្នក នឹងងាកមកឡើងកូដខ្លាំង ឡើងរាសីខ្ពស់កប់ពពក គ្រប់យ៉ាងគឺផ្អែមមុត ផុតអស់គ្រោះទាំងឡាយ។
អ្នកកើតឆ្នាំរកា - មាន់
ជាបុគ្គលដែលរមែងមានភាពទៀងត្រង់ ឧស្សាហ៍ព្យាយាម ហើយមិនថាស្ថិតក្នុងស្ថានភាពលំបាកបែបណា ក៏មិនបោះបង់ ពោលតែងរក្សាគោលជំហរ និងឆន្ទៈដ៏រឹងមាំជាប់ជានិច្ច។ ក្នុងជីវិតមនុស្សឆ្នាំរកា ក៏តែងបានជួបមិត្តស្លូតបូត មិត្តមានចរិតល្អ និងពោរពេញដោយសេចក្តីថ្លៃថ្នូរ។
ក្នុងរយៈពេល ៤ សប្តាហ៍ទៅមុខ អ្នកកើតឆ្នាំរកា នឹងមានសំណាងចូលមកហើយ ពោលលាភហូរមកដល់មុខផ្ទះរាល់ថ្ងៃ។ អ្នកអាចទទួលបានការដំឡើងប្រាក់ខែ មានពាក្យសរសើរពីថ្នាក់លើ រីឯអ្នករកស៊ី មានអតិថិជនសម្រុកមកបង្កើតផលចំណេញឲ្យច្រើន ពោលការខាតបង់ ខ្វះខាតទាំងអំបាលម៉ាននឹងលែងមានតទៅទៀត។
អ្នកកើតឆ្នាំកុរ - ជ្រូក
ជាបុគ្គលដែលមានភាពមុឺងម៉ាត់ រួចក៏តែងព្យាយាមឲ្យអស់ពីសមត្ថភាព មិនខ្ជិលនឹងការងារ ឬការរកស៊ីឡើយ។ គុណភាពរបស់ពួកគេ ក៏តែងបង្ហាញមកវិញ ពោរពេញដោយប្រសិទ្ធភាព ហើយឆ្លើយតបយ៉ាងរហ័ស នឹងតម្រូវការ។
ជាហេតុនេះ ទើបនាំឲ្យម្ចាស់ឆ្នាំកុរ រមែងជួបរឿងល្អ ច្រើនជាងអាក្រក់។ តែយ៉ាងណាពេលកន្លងទៅ ក៏កើតមានបញ្ហា ភាពអសន្តិសុខផ្លូវចិត្តមួយចំនួន ចូលមកបៀត នាំឲ្យកើតរឿងមិនសប្បាយចិត្តម្តងហើយម្តងទៀត ឥតឈប់ឈរ។
ចាំតែមើលចុះរយៈពេល ៤ សប្តាហ៍ទៅមុខ រាល់គ្រោះទាំងឡាយ នឹងត្រូវបានអ្នកកើតឆ្នាំកុរ ជម្នះអស់ខ្ទេចគ្មានសល់ ហើយផ្តល់មកវិញ តែសំណាង តែរឿងល្អ ចូលមកក្នុងជីវិត។ បើនិយាយពីផ្នែកទ្រព្យ ហូរចូលគុណលើសនឹង ៣ ធៀបនឹងរយៈពេលមុន៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
