សៅរ៍-អាទិត្យ ២៨/២៩ ឧសភា ឃ្លាំងប្រាក់ឃ្លាំងទ្រព្យបើកទ្វារចំហចាំ ម្ចាស់ឆ្នាំទាំង ៣
សម្រាប់អ្នកកើតឆ្នាំទាំង ៣ ខាងក្រោមនេះ នឹងមានការផ្លាស់ប្តូរជីវិតវិវត្តទៅរកចំណុចវិជ្ជមានដ៏ខ្ពស់មួយនៅចុងសប្តាហ៍ខាងមុខ ចន្លោះថ្ងៃទី ២៨-២៩ ឧសភា សម្រាប់ចុងខែឧសភា៖
អ្នកកើតឆ្នាំរោង (នាគ)
តាមថាអ្នកកើតឆ្នាំនាគ អាចនឹងជួបបញ្ហានៅកន្លែងធ្វើការ តែដោយសារមានគេចាំជួយ ក៏នាំឲ្យផ្លាស់មកក្លាយជាភាពវិជ្ជមានជាច្រើនវិញ។ មិនថាតែអ្នកដែលកំពុងស្ថិតក្នុងកិច្ចសន្យា ឬត្រៀមនឹងដំណើរការកិច្ចសន្យាថ្មី ទាំងក្នុងអាជីពការងារ និងការរកស៊ី គឺនឹងអាចបញ្ចប់ទៅវិញដោយរលូន ហើយរមែងជួបប្រទះឱកាសថ្មីៗជាច្រើនក្នុងជីវិត។
ជាពិសេសក្នុងកំឡុងពេលនេះ អ្នកកើតឆ្នាំរោង នឹងបានជួបមនុស្សដែលអាចនាំសំណាងដល់ពួកគេ ហើយប្រៀបដូចជាសល់ទ្រព្យពីជាតិមុន ដែលគេបម្រុងនឹងយកមកឲ្យអ្នកវិញ។ ក្តីស្រមៃធំៗទាំងឡាយ ក៏ទំនងជាចេញផ្លែផ្កាបណ្តើរៗផងដែរ ពោលបន្តពីចុងសប្តាហ៍នេះតទៅ។
អ្នកកើតឆ្នាំមមែ (ពពែ)
ថ្មីៗនេះជីវិតអ្នកកើតឆ្នាំមមែ ពិតជាបានឃើញហើយគឺរលូនល្អណាស់ ដ្បិតបើកន្លងទៅបានជួបឧបសគ្គក្នុងជីវិតច្រើនហើយក៏ដោយ។ ប៉ុន្តែក្នុងរយៈពេល រាប់ពីចុងសប្តាហ៍ ថ្ងៃទី ២៨/២៩ ឧសភាតទៅ ជីវិតរបស់ពួកគេនឹងផ្លាស់ប្តូរទាំងស្រុង ពោលចេញពីទីអាក្រក់ ទៅទីល្អ លែងធុញទ្រាន់រឿងបញ្ហាខ្វះមុខខ្វះក្រោយ។
ទោះយ៉ាងណាក៏ដោយ សម្រាប់អ្នកកើតឆ្នាំមមែ ត្រូវចាំថា ពេលខ្លះកុំអាត្មានិយមពេក បើចាប់ឱកាសគឺត្រូវតែចាប់ហើយ តែមើលតាមពេលវេលាសមស្របដែរ ព្រោះពេលខ្លះ ការលះបង់ជារឿងដែលអ្នកគួរតែធ្វើ ទោះមិនបានផលតបស្នងអ្វីមកវិញភ្លាមៗក៏ដោយ។
អ្នកកើតឆ្នាំរកា (មាន់)
ពួកគេរមែងជាមនុស្សដែលមានចរិតទៀងត្រង់ ខិតខំធ្វើការ ដោយពួកគេមិនពឹងលើសំណាងទាំងស្រុងនោះទេ ពោលជឿថា បើខំអស់ពីខ្លួន មុននិងក្រោយគឺគង់តែបានផល។ ពិតហើយចូលមកដល់ចុងសប្តាហ៍ចុងក្រោយនៃខែឧសភា សម្រាប់អ្នកកើតឆ្នាំរកា នឹងកាន់តែមមាញឹកខ្លាំង តែសារនេះ នឹងអាចបង្កើតសមិទ្ធផលធំៗ ក្លាយជាចំណូលជាច្រើនចូលហោប៉ៅពួកគេ។
ជីវិតរបស់អ្នកកើតឆ្នាំរកា នឹងមានការផ្លាស់ប្តូរ ដល់ពេលដែលឃ្លាំងប្រាក់ឃ្លាំងទ្រព្យបើកទ្វារសម្រាប់ពួកគេ។ យ៉ាងណាពាក់ព័ន្ធនឹងបញ្ហាទៅពេលខាងមុខ បើជួបបន្តិចបន្តួសចក៏ត្រូវតែអត់ធ្មត់ ហើយចាត់ទុកវាដូចជាភ្លៀងនៃគ្រោះ ដែលមកតាមរដូវ ពោលវានឹងមិនធ្លាក់ជាប់យូរនោះទេ ក៏នៅតែមានថ្ងៃបើកពន្លឺត្រចះត្រចង់ខ្លះដែរ៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
