ក្រោកពីគេងពេលព្រឹកភ្លាម ហាមលូកទឹក ៤ មុខនេះ បើមិនចង់ស្ដាយក្រោយទេ
នៅពេលព្រឹកបន្ទាប់ពីគេងយូរ ៧ទៅ៨ ម៉ោង រាងកាយត្រូវការបំពេញជាតិទឹកដើម្បីប៉ះប៉ូវការបាត់បង់ទឹក។ ផឹកទឹកនៅពេលព្រឹកបន្ទាប់ពីភ្ញាក់ពីគេង ធ្វើអោយប្រសើរឡើងនូវចរន្តឈាម គាំទ្រដល់ដំណើរការនៃបំពង់រំលាយអាហារ ជួយកម្ចាត់ជាតិពុលចេញពីរាងកាយ។
ទោះជាយ៉ាងណាក៏ដោយ មិនមែនទឹកគ្រប់ប្រភេទអាចទទួលទានបាននៅពេលព្រឹកនោះទេ។ ដូចជា ភេសជ្ជៈ ៥ ប្រភេទ អ្នកត្រូវចៀសវាងដាច់ខាតពេលភ្ញាក់ពីគេង ជាពិសេសមនុស្សចាស់បន្ទាប់ពីអាយុ ៤០ ឆ្នាំ។
តែ
តែមានវីតាមីន សារធាតុរ៉ែ និងសារធាតុប្រឆាំងអុកស៊ីតកម្មជាច្រើន ដែលល្អសម្រាប់សុខភាព។ ការប្រើប្រាស់តែឱ្យបានត្រឹមត្រូវនឹងគាំទ្រដល់ការរំលាយអាហារ សម្រកទម្ងន់ ប្រឆាំងភាពចាស់។ ប៉ុន្តែអ្នកមិនគួរផឹកតែភ្លាមៗបន្ទាប់ពីភ្ញាក់ពីគេងពេលពោះទទេនោះទេ។
តែបៃតងមានផ្ទុកសារធាតុ tannins ដែលអាចបង្កើនអាស៊ីតក្រពះ នាំឱ្យឈឺក្រពះ ប្រសិនបើទទួលទាននៅពេលពោះទទេ។ លើសពីនេះ ការផឹកតែនៅពេលនេះក៏អាចបណ្តាលឱ្យហូរឈាម កាត់បន្ថយការស្រូបយកជាតិដែកនៃរាងកាយ ដោយពេលខ្លះអាចធ្វើឱ្យអ្នកមានអារម្មណ៍ចង់ក្អួត ឆាប់ខឹង និងអស់កម្លាំង។
ភេសជ្ជៈមានជាតិស្ករ
ក្រោកពីគេងពេលព្រឹកទឹកអ្នកមិនគួរទទួលទានភេសជ្ជៈដែលមានជាតិស្ករដូចជា ទឹកផ្លែឈើ តែទឹកដោះគោ ឬភេសជ្ជៈមានជាតិកាបូន ដោយសារភេសជ្ជៈទាំងនេះភាគច្រើនមានអាស៊ីតក្រូចឆ្មា ដែលមានសមត្ថភាពជំរុញការបញ្ចេញជាតិកាល់ស្យូមចេញ កាត់បន្ថយបរិមាណកាល់ស្យូមក្នុងឈាមរយៈពេលវែង រហូតអាចបណ្ដាលឲ្យមានហានិភ័យនៃជំងឺពុកឆ្អឹង។
ទឹកកក
ការផឹកទឹកទឹកកកអាចជួយឱ្យអ្នកមានអារម្មណ៍ស្រស់ស្រាយ និងត្រជាក់អំឡុងពេលរដូវក្ដៅ ប៉ុន្តែប្រសិនបើផឹកទឹកត្រជាក់ភ្លាមៗនៅពេលអ្នកក្រោកពីដំណេក មិនមែនជារឿងដែលអ្នកគួរធ្វើនោះទេ។ មូលហេតុដោយសារពេលគេងអំឡុងពេលយប់ រាងកាយគ្រប់គ្រងសីតុណ្ហភាពទាបជាងពេលថ្ងៃ។ ដូច្នេះហើយ បើអ្នកផឹកទឹកត្រជាក់ភ្លាមៗពេលភ្ញាក់ពីគេង អាចបណ្តាលឱ្យមានសីតុណ្ហភាពធ្លាក់ចុះភ្លាមៗ ជាពិសេសងាយបង្កគ្រោះថ្នាក់សម្រាប់អ្នកដែលមានសម្ពាធឈាមទាប និងសុខភាពខ្សោយ។
កាហ្វេ
កាហ្វេមួយពែងនៅពេលព្រឹកនឹងជួយអ្នកឱ្យភ្ញាក់ពីដំណេក ខួរក្បាលស្រស់ស្រាយមានអារម្មណ៍ធ្វើការងារកាន់តែប្រសើរ។ យ៉ាងណាក៏ដោយ ការផឹកកាហ្វេពេលពោះទទេនឹងមិនមានប្រយោជន៍ដល់សុខភាពឡើយ។ កាហ្វេ មានជាតិអាស៊ីត អាចបំផ្លាញស្រទាប់ក្រពះដែលបណ្តាលឱ្យក្រហាយទ្រូង ខូចប្រព័ន្ធរំលាយអាហារ អាចនាំឱ្យកើតជំងឺក្រពះរ៉ាំរ៉ៃ ។
ប្រភព៖ បរទេស
ព័ត៌មានថ្មីៗ
