អំឡុងពេលគេង មានវត្ថុ ៣ គួរពាក់ និង ៣ គួរដោះចេញ បើធ្វើបានត្រឹមត្រូវអ្នកនឹងមានអាយុវែង
អ្នកជំនាញចែករំលែកថា ក្នុងអំឡុងពេលគេង អ្នកគួរតែដោះរបស់របរចំនួន ៣ នេះចេញ ហើយគួរពាក់ វត្ថុ ៣ នេះ ដើម្បីឲ្យគេងលក់ស្រួល និងល្អសម្រាប់សុខភាព។
របស់ ៣ យ៉ាងគួរតែដោះចេញអំឡុងពេលគេង៖
១.គ្រឿងអលង្ការ
គ្រឿងអលង្ការដូចជា ចិញ្ចៀន កងដៃ ខ្សែក នាឡិកា គួរតែដោះចេញអំឡុងពេលគេង ព្រោះវាអាចធ្វើឲ្យស្បែកងាយនឹងកោស និងឡើងជាំ ដូចជាចិញ្ចៀនជាដើម បើពាក់តឹងពេក ក៏មានផលរំខានដល់ចរន្តឈាម ធ្វើឱ្យដៃស្ពឹកផងដែរ។
២.សម្អាតគ្រឿងសម្អាងលើមុខ
ប្រសិនបើអ្នកលាបគ្រឿងសម្អាងបានពេញមួយថ្ងៃ ត្រូវតែលុបលាងចេញភ្លាមអំឡុងពេលចូលគេង បើមិនដូច្នេះទេនឹងនាំឱ្យស្ទះរន្ធញើស កើតមុន អាឡែស៊ី រមាស់ ជាដើម។
ម្យ៉ាងវិញទៀត ទោះបីជាអ្នកមានអារម្មណ៍ថា ហត់នឿយ និងមមាញឹកបែបណាក៏ដោយ ក៏មិនគួរទុកការតុបតែងមុខ ឬគ្រាន់តែលាងមុខ ហើយចូលគេងបានឡើយ។ ជំនួសមកវិញ អ្នកគួរតែប្រើក្រែមសម្អាតគ្រឿងសម្អាង ដូចជាហ្វូមលាងមុខ និងថ្នាំខាត់ស្បែក ដើម្បីសម្អាតមុខរបស់អ្នកឲ្យបានស្អាតល្អ។
៣.ដោះអាវទ្រនាប់
ស្ត្រីជាច្រើនតែងមានទម្លាប់ពាក់អាវទ្រនាប់អំឡុងពេលគេង ដោយចង់ជួយកុំឲ្យសុដន់យារធ្លាក់។ ប៉ុន្តែ បើតាមអ្នកជំនាញនិយាយថា នេះជាសកម្មភាពមួយដែលខុសទាំងស្រុង ដោយសារតែអាវទ្រនាប់នឹងរារាំងចរាចរឈាមក្នុងរាងកាយ ច្របាច់តំបន់ជុំវិញដ្យាក្រាម និងដាក់សម្ពាធនៅតំបន់ទ្រូង ដែលនាំឱ្យពិបាកដកដង្ហើមពេញមួយយប់។
លើសពីនេះ អាវទ្រនាប់ដែលមានខ្សែក្រោម និងទំពក់ អាចវាយលុកស្បែក បង្កើតជាស្នាមជាំ និងអាចបណ្តាលឱ្យមានដុំពកៗ។ ការពាក់អាវទ្រនាប់ពេលគេង បង្កើនលទ្ធភាពនៃការឆ្លងមេរោគផ្សិត ដែលមិនមានអនាម័យលើរាងកាយទៀតផង។
របស់ ៣ យ៉ាងគួរតែពាក់អំឡុងពេលគេង៖
១.ស្លៀកសំលៀកបំពាក់ស្អាតៗ
ការគេងដោយមិនស្លៀកសម្លៀកបំពាក់អាចជួយបន្ថយសីតុណ្ហភាពក្នុងខ្លួន បង្កើនគុណភាពដំណេក និងកាត់បន្ថយការគេងមិនលក់ក្នុងពេលយប់។ យ៉ាងណាក៏ដោយ បើអ្នកមិនទាន់ស៊ាំទេ អ្នកនៅតែអាចស្លៀកសម្លៀកបំពាក់បាន ប៉ុន្តែត្រូវតែសម្លៀកបំពាក់ស្អាតៗ។ ការធ្វើបែបនេះមិនត្រឹមតែមានផាសុកភាព និងជួយឱ្យអ្នកគេងលក់ស្រួលប៉ុណ្ណោះទេ ប៉ុន្តែវាថែមទាំងបំបាត់ហានិភ័យនៃការវិវត្តនៃការឆ្លងមេរោគផងដែរ។
២.ពាក់ស្រោមជើង (ពេលត្រជាក់)
ជាការពិត ការពាក់ស្រោមជើងដើម្បីកម្តៅជើង គឺជាមធ្យោបាយដ៏ល្អបំផុតក្នុងការបន្ថយសម្ពាធឈាម និងធ្វើឱ្យរាងកាយគេងលក់ស្រួល។ ជាងនេះទៅទៀត ទម្លាប់នេះក៏ការពារការប្រេះបែក និងភាពស្ងួត ជួយឱ្យស្បែករលោង និងភ្លឺថ្លាគ្រប់ពេលវេលា គ្រប់ទីកន្លែង។
៣.កាសស្តាប់ត្រចៀក
កន្លែងដេកអាចត្រូវបានរំខានដោយពន្លឺ ឬសំឡេងពីខាងក្រៅ ដែលរំខានដល់ដំណេក។ ដូច្នេះហើយ ការប្រើប្រដាប់បិទត្រចៀក និងបិទបាំងភ្នែក នឹងជួយអ្នកឱ្យបិទសំឡេង និងពន្លឺ ដោយហេតុនេះឱ្យគេងបានស្រួល និងពេញលេញជាងមុន។
ប្រភព៖ បរទេស
ព័ត៌មានថ្មីៗ
