ចូរប្រយ័ត្ន! ចូលគេងភ្លាមៗបន្ទាប់ពីធ្វើរឿងទាំង ៤ នេះ ប៉ពាល់សុខភាពខ្លាំង ងាយអាយុខ្លី!
ជឿថា ការគេងឲ្យបានគ្រប់គ្រាន់ ដើរតួនាទីយ៉ាងសំខាន់ចំពោះសុខភាព ប៉ុន្តែប្រសិនបើអ្នកចូលគេងជាមួយទម្លាប់អារក្រក់ទាំងអស់ខាងក្រោមនេះ ពិតជាងាយបង្កគ្រោះថ្នាក់ដល់ជីវិតណាស់៖
១.ចូលគេងភ្លាមៗបន្ទាប់ពីអាហារ
បន្ទាប់ពីញ៉ាំរួច មនុស្សជាច្រើនតែងតែមានអារម្មណ៍ងងុយគេង ហើយចង់ចូលគេងដើម្បីសម្រាកកាយ ដោយមិនបានដឹងថា វាមានគ្រោះថ្នាក់ខ្លាំងដល់សុខភាព។
បន្ទាប់ពីញ៉ាំរួច ក្រពះនឹងធ្វើការរំលាយអាហារ និងស្រូបយកអាហារ ដែលដំណើរការនេះតម្រូវឱ្យមាន peristalsis ដើម្បីបញ្ចេញទឹករំលាយអាហារ និងអង់ស៊ីមរំលាយអាហារ។ ការគេងភ្លាមៗបន្ទាប់ពីញ៉ាំអាហារនឹងរារាំងចលនាពោះវៀន ប៉ះពាល់ដល់ការរំលាយអាហារ ធ្វើឱ្យឈាមរត់ទៅកាន់ខួរក្បាលមិនគ្រប់គ្រាន់ ហើយពេលក្រោកពីគេង អាចវិលមុខ។
២.ចូលគេងយឺត
មនុស្សជាច្រើនមានទម្លាប់គេងពេលថ្ងៃ ហើយចូលគេងពេលយប់យឺត។ ការធ្វើបែបនេះជាញឹកញាប់ អាចមានការរំខានដល់នាឡិកាជីវសាស្រ្តរបស់រាងកាយ ប៉ះពាល់ដល់ប្រព័ន្ធ endocrine កាត់បន្ថយភាពស៊ាំ និងមិនល្អសម្រាប់សុខភាព។
៣.ចូលគេងទាំងអារម្មណ៍តានតឹង
កំហឹង ភាពតានតឹងនឹងធ្វើឱ្យអ្នកពិបាកក្នុងការងងុយគេង ដែលបណ្តាលឱ្យគេងមិនលក់។ ប្រសិនបើស្ថានភាពនេះកើតឡើងញឹកញាប់ អាចបណ្តាលឱ្យអ្នកមានជំងឺគេងមិនលក់រ៉ាំរ៉ៃ។ ការគេងជាមួយកំហឹងញឹកញាប់ អាចធ្វើឱ្យសម្ពាធឈាមមិនស្ថិតស្ថេរ ចរាចរឈាមមិនទៀងទាត់ និងធ្វើឱ្យខូចសរីរាង្គខាងក្នុងដូចជាបេះដូង និងថ្លើម។
៤.គេងជាមួយសក់សើម
មនុស្សជាច្រើនមានទម្លាប់ងូតទឹកនៅពេលយប់ជ្រៅ រួចចូលគេងទាំងសក់សើម។ ទម្លាប់នេះនឹងធ្វើឱ្យសក់ប្រែជាច្របូកច្របល់ រលាកស្បែកក្បាល ហើយថែមទាំងអាចបង្កើតជាផ្សិត ឈឺក្បាល និងផ្តាសាយទៀតផង។ ទោះជាយ៉ាងណាក៏ដោយ បើអ្នកកក់សក់ បន្ទាប់មកចូលគេងជាមួយនឹងសក់សើម នៅថ្ងៃដែលមានអាកាសធាតុត្រជាក់ក៏អាចបង្កើនហានិភ័យនៃជំងឺដាច់សរសៃឈាមខួរក្បាលផងដែរ។
ប្រភព៖ បរទេស
ព័ត៌មានថ្មីៗ
