ខ្លាំងដូចឱសថទិព្វ! សំបកក្រូចថ្លុង អាចព្យាបាលជំងឺទាំង ៥ ឆាប់សះស្បើយ ដែលអ្នកមិនគួរខ្ជះខ្ជាយ!
យោងតាមវេជ្ជសាស្ត្រទំនើប បង្ហាញថា សំបកក្រូចថ្លុងមានប្រេងសំខាន់ៗ ដែលមានឥទ្ធិពលប្រឆាំងនឹងបាក់តេរី បំបាត់ការឈឺចាប់ និងបំបាត់ភាពតានតឹង។ ក្រៅពីនេះ សំបកក្រូចថ្លុងក៏មានផ្ទុកសារជាតិ pectin, naringin, អង់ស៊ីម peroxidase, amylase, ស្ករ ramnoza, វីតាមីន A, C, hesperidin ព្រមជាមួយអត្ថប្រយោជន៍ជាច្រើនទៀតដូចខាងក្រោមនេះ។
ព្យាបាលស្បែករលាក និងធ្វើឱ្យស្បែកស្រស់ស្អាត
សំបកក្រូចថ្លុង មានសមត្ថភាពការពារស្បែកឡើងក្រហម រមាស់ និងរលាក ជាពិសេសវាមានផ្ទុកវីតាមីន A និង C ខ្ពស់ដែលជួយរក្សាសំណើមដល់ស្បែក ការពារស្បែកពីភាពស្ងួត ស្នាមជ្រួញ និងការពារកាលកើតមុន។ លើសពីនេះ សំបកក្រូចថ្លុងក៏ជួយកាត់បន្ថយស្នាមជ្រីវជ្រួញ ស្នាមអុចខ្មៅ និងជាឡេការពារកម្ដៅថ្ងៃដ៏មានប្រសិទ្ធភាពផងដែរ។
ល្អសម្រាប់សក់
សំបកក្រូចថ្លុងមានផ្ទុកនូវប្រេងសំខាន់ៗជាច្រើន មានសមត្ថភាពចិញ្ចឹមសក់បានយ៉ាងល្អ ជួយកាត់បន្ថយការជ្រុះសក់ ថែមទាំងជួយធ្វើឱ្យសក់មានពន្លឺភ្លឺរលោងទៀតផង។ មិនតែប៉ុណ្ណោះ ការប្រើសំបកក្រូចត្លុងសម្រាប់លាងសក់ អាចជួយសម្អាតស្បែកក្បាល ជំរុញការលូតលាស់សក់ និងល្អសម្រាប់សរសៃប្រសាទខួរក្បាល។
ព្យាបាលក្លិនមាត់មិនល្អ
វីតាមីន C និងប្រេងសំខាន់ៗនៅក្នុងសំបកក្រូចថ្លុង ជាធាតុផ្សំដ៏មានប្រសិទ្ធភាពប្រឆាំងនឹងក្លិនមាត់មិនល្អ។ ដូច្នោះ អ្នកគ្រាន់តែយកសំបកក្រូចថ្លុងស្ងួតមកស្ងោរជាមួយទឹក បន្ថែមអំបិលបន្តិច រួមយកមកខ្ពុរមាត់ នោះក្លិនអាក្រក់នឹងបាត់ទៅវិញយ៉ាងងាយ។
បំបាត់អាការក្អក ស្អកក
ទាំងនេះជារោគសញ្ញាទូទៅដែលតែងតែកើតឡើងចំពោះមនុស្សជាច្រើន មូលហេតុអាចមកពីការប្រែប្រួលអាកាសធាតុ ឬឥទ្ធិពលបរិស្ថាន។ ប្រសិនបើអ្នកមិនចង់ប្រើថ្នាំពេទ្យទេ សូមជ្រើសយកសំបកក្រូចថ្លុង ក៏មានប្រសិទ្ធភាពក្នុងការព្យាបាលអាការក្អកស្ងួតដែរ។
ប្រភព៖ បរទេស
ព័ត៌មានថ្មីៗ
