ពេលងូតទឹកស្រ្តីត្រូវឧស្សាហ៍សម្អាត ៣ កន្លែងនេះឲ្យបានញឹកញាប់ព្រោះជួយសុខភាពបានច្រើនណាស់!
តាមទស្សនៈនៃឱសថចិនបង្ហាញថា ប្រសិនបើអ្នកប្រឹងប្រែងម៉ាស្សាចំណុចទាំងនេះអំឡុងពេលងូតទឹក នឹងធ្វើឲ្យអ្នកមានសុខភាពល្អខ្លាំងណាស់។ ហេតុដូចនេះ សូមកុំរំលងឲ្យសោះ៖
១.ចន្លោះម្រាមជើង
មានស្រ្តីភាគតិចណាស់ដែលដឹងថា ការម៉ាស្សាជើងខណៈពេលត្រាំជើង មានសារៈប្រយោជន៍សម្រាប់សុខភាពខ្លាំងណាស់។ ចុងម្រាមជើង ជាសន្លាក់ចុងក្រោយ ដែលអំឡុងពេលងូតទឹក គួរតែម៉ាស្សាឲ្យបានដិតដល់ ព្រោះវាមាសមត្ថភាពជួយជំរុញចលនាឈាម ធ្វើឱ្យជើងមានភាពកក់ក្តៅ។ ការម៉ាស្សាម្រាមជើងអាចពន្យាភាពចាស់នៃជើង ជំរុញការរំលាយអាហារ ជួយឱ្យរាងកាយកម្ចាត់ការហើមបានយ៉ាងងាយ។
២.ក្លៀក
ស្បែកក្រោមក្លៀកមានសភាពស្តើងបន្តិច ដូច្នេះស្ត្រីគួរប្រើសំឡីជូតថ្នមៗ ហើយលាងសម្អាតចេញដោយទឹកធម្មតាបានហលយ។ ជាការពិត ការធ្វើអនាម័យត្រឹមត្រូវនៃតំបន់ក្លៀកអាចជួយពន្យារអាយុជីវិតបាន ពីព្រោះនៅក្រោមក្លៀកមានចំណុចចាក់ម្ជុលវិទ្យាសាស្ត្រដ៏សំខាន់មួយហៅថា "ជីក្វាន់"។
យោងតាមឱសថបុរាណចិន បង្ហាញថា ចំណុចចាក់ម្ជុលវិទ្យាសាស្ត្រនេះភ្ជាប់ទៅបេះដូង ដូច្នោះ បើអ្នកម៉ាស្សាជាប្រចាំអាចធ្វើអោយសុខភាពបេះដូងប្រសើរឡើង កាត់បន្ថយហានិភ័យនៃជំងឺសរសៃឈាមបេះដូង និងសរសៃឈាមខួរក្បាល។ ជាពិសេស ស្ត្រីពេលងូតទឹក គួរចំណាយពេលត្រដុសក្លៀក ម៉ាស្សាថ្នមៗ ក៏អាចជួយបង្កើនគុណភាពនៃការគេង និងបំបាត់ការឈឺទ្រូងផងដែរ។
៣.តំបន់ជិតស្និទ្ធ
តំបន់ជិតស្និទ្ធគឺជាផ្នែករសើប ងាយនឹងឆ្លងមេរោគបាក់តេរីបង្កជំងឺ ប្រសិនបើមិនបានសម្អាតឱ្យបានត្រឹមត្រូវ។ ពេលងូតទឹក ស្ត្រីត្រូវលាងសម្អាតកន្លែងក្រៅកន្លែងឯកជនដោយទឹកក្តៅឧណ្ហៗ ដើម្បីជួយរក្សាកន្លែងឯកជនឱ្យស្រស់ស្អាត និងការពារការឆ្លងមេរោគ។
ការលាងសម្អាតកន្លែងជិតស្និទ្ធក៏មានប្រសិទ្ធភាពក្នុងការបំបាត់ការឈឺចាប់ពេលមានរដូវផងដែរ លើសពីនេះវាក៏មានប្រសិទ្ធិភាពធ្វើឱ្យស្បូនមានភាពកក់ក្តៅ ជួយឱ្យស្បូនបញ្ចេញជាតិពុល និងថែរក្សាសុខភាពស្បែកនៃតំបន់ឯកជនផងដែរ។
ប្រភព៖ បរទេស
ព័ត៌មានថ្មីៗ
