តិចនិច ៣ យ៉ាង ជួយបំបាត់អាការឈឺកយ៉ាងងាយ ដោយមិនចាំបាច់លេបថ្នាំ!
សូមសាកល្បងទាំងអស់គ្នា ខាងក្រោមនេះជាវិធីសាស្រ្ត ៣ ប្រភេទងាយៗ ដែលមានប្រសិទ្ធខ្លាំងណាស់សម្រាប់អ្នកមានអាការឈឺបំពង់ក ដោយមិនចាំប្រើថ្នាំពេទ្យឡើយ៖
ខ្ពុរមាត់ជាមួយទឹកអំបិល
ការខ្ពុរមាត់ជាមួយទឹកអំបិលជួយសម្លាប់បាក់តេរីក្នុងបំពង់ក ប្រឆាំងនឹងការរលាកយ៉ាងមានប្រសិទ្ធភាព។ នៅពេលដែលអ្នកឈឺបំពង់ក អ្នកអាចប្រើទឹកប្រៃសរីរវិទ្យា (០.៩%) ឬធ្វើទឹកអំបិលដោយខ្លួនឯង (តាមសមាមាត្រនៃអំបិល ៩ ក្រាមៈ ទឹក ១ លីត្រ) ហើយ ខ្ពុរមាត់ចំនួនពីរដងក្នុងមួយថ្ងៃ ដើម្បីបំបាត់ការឈឺចាប់។
ទទួលទានទឹកក្តៅ
ពេលអ្នកឈឺបំពង់ក នោះបំពង់ករបស់អ្នកនឹងមានសភាពស្ងួត ដើម្បីព្យាបាលឲ្យឆាប់ជាសះស្បើយ សូមប្រើទឹកក្តៅឧណ្ហៗស្ពង់ច្រមុះ និងបំពង់ក អាចជួយកាត់បន្ថយការហើម ឈឺ ស្ងួត និងផ្តល់ផាសុកភាព។ វិធីស្ទីមបំពង់កគឺសាមញ្ញណាស់ ដោយអ្នកគ្រាន់តែចាក់ទឹកក្តៅចូលក្នុងពែង បើកមាត់របស់អ្នក ដាក់ក្បែរពែងរួចដកដង្ហើមយកចំហាយក្តៅចេញពីទឹកជាការស្រេច។
ផឹកទឹកក្រូចឆ្មាទឹកឃ្មុំក្តៅ
ទឹកឃ្មុំមានប្រសិទ្ធភាពប្រឆាំងនឹងការរលាក ដូច្នោះ ខណៈពេលឈឺបំពង់ក អ្នកអាចផឹកទឹកក្រូចឆ្មារក្តៅឧណ្ហៗ ជាមួយទឹកឃ្មុំដើម្បីបំបាត់ភាពមិនស្រួល។ ការធ្វើទឹកក្រូចឆ្មាគឺសាមញ្ញណាស់ ដោយគ្រាន់តែយកទឹកក្តៅឧណ្ហៗមួយពែង បន្ថែមទឹកក្រូចឆ្មា និងទឹកឃ្មុំមួយស្លាបព្រាកាហ្វេ កូរឱ្យសព្វហើយផឹក បន្ទាប់មកផឹក ២ ដងក្នុងមួយថ្ងៃ រយៈពេល ២-៣ ថ្ងៃនឹងជួយបំបាត់ការឈឺបំពង់កយ៉ាងងាយ។
ប្រភព៖ បរទេស
ព័ត៌មានថ្មីៗ
