កូរពោះប៉ុណ្ណាក៏ដោយ ក្រោយម៉ោង ៨ យប់ ដាច់ខាតកុំលូកអាហារទាំង ៥ នេះ
អ្នកដែលចង់លើកសម្រស់រាងកាយ មានសុខភាពល្អ ចាំបាច់ត្រូវយកចិត្តទុកដាក់ខ្ពស់ទៅលើរបបអាហារប្រចាំថ្ងៃ ហើយរៀងរាល់ក្រោយម៉ោង ៨ យប់ អ្នកត្រូវតែចាំថា កុំលូកអាហារទាំង ៥ នេះឲ្យសោះ៖
៥) ភេសជ្ជៈដែលមានជាតិកាហ្វេអ៊ីន
ភេសជ្ជៈដែលមានជាតិកាហ្វេអ៊ីន ដូចជាកាហ្វេ កាកាវ សូកូឡា ដ្បិតបើវាអាចប្រឆាំងនឹងជំងឺសរសៃឈាមបេះដូង ជំងឺទឹកនោមផ្អែម បង្កើនសុខភាពខួរក្បាល តែយ៉ាងណាពេលវេលាទទួលទានល្អបំផុតគឺពេលព្រឹក និងពេលរសៀល។ ជៀសវាងការទទួលទានក្រោយម៉ោង ៨ យប់ ព្រោះវានឹងប៉ះពាល់ដល់ការគេង បង្កើនជាហានិភ័យនៃការកើតជំងឺផ្សេងៗទៅវិញ។
៤) អាហារផ្អែម
អាហារដែលមានជាតិផ្អែម ជាមូលហេតុនាំឲ្យឡើងទម្ងន់ ជាពិសេសគឺការទទួលទាននៅក្រោយម៉ោង ៨ យប់តែម្ដង។
មិនថាតែនំខេក ឬនំនែកដែលមានជាតិផ្អែមខ្ពស់ គឺមិនល្អនោះទេ បើទោះបីអ្នកឃ្លានប៉ុណ្ណាក៏ដោយ។ បើជ្រុលថា ត្រូវការជាតិផ្អែមដល់រាងកាយ គួរតែទទួលទានទឹកដោះគោ គ្មានជាតិស្ករមួយពែងល្អជាង។
៣) សាច់ក្រហម
ការទទួលទានអាហារ ដែលមានជាតិប្រូតេអ៊ីនខ្ពស់ពេក ដូចជាសាច់ក្រហម វាដាក់បន្ទុកទៅដល់ប្រព័ន្ធរំលាយអាហារទៅវិញទេ។ សម្រាប់ការទទួលទាននៅពេលយប់ វាមិនមែនជាពេលវេលាបម្លែងថាមពលឡើយ ហើយជាតិខ្លាញ់លើសនឹងកកកុញក្នុងរាងកាយរយៈពេលយូរ នាំឲ្យយូរទៅក្លាយជាជំងឺធាត់ លើសឈាម សរសៃឈាមបេះដូង។ ជារឿយៗក៏បណ្តាលឲ្យអ្នកមានអាការៈឈឺក្បាល និងបាត់បង់ការផ្តោតអារម្មណ៍ផងដែរ។
២) ភ្លៅកង្កែប
មនុស្សជាច្រើនគិតថា ភ្លៅកង្កែប ដែលគេច្នៃយកទៅក្រឡុកជាភេសជ្ជៈ សម្រាប់ពៅកម្លាំង បន្សាបជាតិពុល ធ្វើឲ្យឈាមរត់ល្អ។ តែយ៉ាងណា ការទទួលទានវាមុន ២-៣ ម៉ោងមុនពេលចូលគេង គឺមិនល្អនោះទេ ព្រោះអាចនាំឲ្យអ្នកនោមញឹក ប៉ះពាល់ដល់គុណភាពនៃការគេងទៅវិញ។
១) ភីហ្សា
បើនិយាយពីភីហ្សាវិញ វាមានជាតិខ្លាញ់ខ្ពស់ នាំឲ្យប៉ះពាល់សុភាពខ្លាំងណាស់។ ការទទួលទានភីហ្សាពេលវេលាល្អបំផុតគឺពេលថ្ងៃ ឬពេលល្ងាច តែមិនគួរពេលយប់ហួសម៉ោង ៨ ឡើយ ព្រោះជាតិខ្លាញ់លើស អាចនាំឲ្យក្រហាយទ្រូង ឡើងទម្ងន់មិនដឹងខ្លួន៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
