Dele Alli ប្រទះឃើញបណ្តើរសក់វែងថ្មី ក្រោយទើបទាក់ទងជាមួយកូនស្រីលោក Pep
ប៉ុន្មានខែមុន មានការចុះផ្សាយជុំវិញទំនាក់ទំនងរបស់កីឡាករបាល់ទាត់ Dele Alli នៃក្លឹប Tottenham Hotspur ជាមួយនឹងកូនស្រីរបស់លោក Pep Guardiola គឺឈ្មោះ Maria ថា មានទំនាក់ទំនងស្នេហានឹងគ្នា ដែលមានទាំងថើបគ្នានៅឯកាហ្វេ Starbuck ក្នុងទីក្រុងឡុងទៀតផង។
យ៉ាងណាមកទល់ពេលចុងក្រោយ ពួកគេទាំងពីរទំនងជាប្រេះស្រាំហើយ ដោយគេស្រាប់តែឃើញ Alli បានមានការណាត់ជួបជាមួយអ្នកថ្មី ជាតារាម៉ូដែលស្រីឈ្មោះ Nicole Berry ហើយថែមទាំងឃើញកាន់ដៃគ្នាដើរទៅមកទៀតផង។ នេះបើតាមសារព័ត៌មាន TheSun បានចុះផ្សាយ។
គេឃើញ Dele និង Berry ជាមួយនឹងមួយគូទៀតគឺ Ben Chilwell ខ្សែការពារក្លឹប Chelsea ជាមួយនារីឈ្មោះ Sofia Cretaro ជាមិត្តភក្តិរបស់ Nicole ពោលទាំងពីរគូ ប្រទះឃើញនៅអាហារដ្ឋាន Sexy Fish មុនសំដៅទៅសណ្ឋាគារ Chiltern Firehouse ក្នុងទីក្រុងឡុង។
គេមិនច្បាស់ថាទំនាក់ទំនងពួកគេ ជាអ្វីនឹងគ្នា ឬគ្រាន់ជាអ្នកកំដរអារម្មណ៍ទេ ហើយក៏មិនទាន់ឃើញមានការប្រតិកម្មគួរឲ្យចាប់អារម្មណ៍ណាមួយពី Maria កូនស្រីរបស់អ្នកចាត់ការ City នោះដែរ។ រំឭកថា Dele Alli ជាកីឡាកររបស់ក្លឹប Spurs ដែលរដូវកាល ២០២១/២២ គេបង្ហាញខ្លួនសរុប ១១ ប្រកួត រកបាន ២ គ្រាប់និង Assist ១ លើក៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
