មើលធ្លុះជោគវាសនា! តើអ្នកមានថ្ងាសប្រភេទណា ទៅថ្ងៃមុខអាចក្លាយជាអ្នកមានដែរទេ?
តាមចាស់បុរាណថ្ងាសគឺជាតំបន់មួយលើរាងកាយ ដែលគេវាយតម្លៃដល់ភាពឈ្លាសវៃពីកំណើតរបស់មនុស្ស។ ជាងនេះវាក៏អាចជាក្បួន ដែលគេអាចទស្សន៍ទាយជោគវាសនាទៅថ្ងៃមុខផងដែរ។
នៅប្រភេទថ្ងាសទាំង ៥ ខាងក្រោម តើអ្នកស្ថិតនៅប្រភេទណាមួយ? ចម្លើយរបស់អ្នក អាចឲ្យយើងបង្ហាញការទស្សន៍ទាយដូចខាងក្រោម៖
១) ទម្រង់ថ្ងាសរាងអក្សរ M
ជាទូទៅអ្នកដែលមានទម្រង់ថ្ងាសរាងអក្សរ M គឺតែងតែជាមនុស្សឈ្លាសវៃ និងមានការស្រមើស្រមៃល្អៗជាច្រើនក្នុងជីវិត។ ពួកគេចូលចិត្តក្រេបយកបទពិសោធន៍ និងមានឆន្ទៈមោះមុតក្នុងការអភិវឌ្ឍ ដើម្បីទទួលបានភាពរីកចម្រើនពិត។
ជីវិតអ្នកមានទម្រង់ថ្ងាសរាងអក្សរ M ទៅថ្ងៃមុខ ច្រើនតែសម្បូរសប្បាយព្រោះពួកគេខិតខំតាំងពីក្មេងវ័យ ហើយរមែងទទួលបានជោគជ័យក្នុងអាជីពការងារខ្ពស់ជាងមនុស្សទូទៅ។ បើជាមនុស្ស ច្រើនមានទេពកោសល្យ និងចេះសម្របក្នុងការរស់នៅ ហើយបើជាមនុស្សស្រី ជានារីដែមលនាចរិតលក្ខណៈពេញលេញ។
២) ទម្រង់ថ្ងាសរាងកោង
អ្នកដែលស្ថិតនៅប្រភេទទី ២ ពួកគេច្រើនជាមនុស្សដែលមានសិទ្ធិអំណាច មានឋានៈខ្ពស់ នៅស្ថាប័នការងារ ឬទំនាក់ទំនងសង្គម។ មនុស្សនេះក៏ត្រូវបានគេជឿថា ជាមនុស្សរមែងមានអាយុវែងផងដែរ។
៣) ថ្ងាសបើកធំ
មនុស្សដែលមានថ្ងាសបើកធំ ទូលាយស្ថិតនៅប្រភេទទី ៣ នេះ រមែងជាមនុស្សដែលមានភាពច្នៃប្រឌិត ការវិនិច្ឆ័យល្អ និងការគិតលើរឿងរ៉ាវអ្វីមួយយ៉ាងល្អិតល្អន់ ក៏ដូចជាមានការយកចិត្តទុកដាក់ខ្ពស់។
ពួកគេឈ្លាសវៃក្នុងការរកស៊ី មិនងាយឲ្យនរណាខ្សែលើបានឡើយ។ រាល់ការគិត គឺពួកគេផ្តោតលើភាពស្មោះត្រង់ជាធំ ហេតុនេះហើយមិនថាតែក្នុងអាជីពការងារ និងការរកស៊ី ប្រសិនបានជួបដៃគូល្អ គឺជាដៃគូនាំលាភ នាំសំណាល ជួយឲ្យជីវិតគេទទួលបានជោគជ័យយ៉ាងស្រួលនៅរយៈ ពេលយូរ។
៤) ថ្ងាសទាប
មនុស្សដែលមានថ្ងាសទាប តូចចង្អៀតច្រើនតែមិនសូវបានជួបសំណាងល្អប៉ុន្មានទេក្នុងជីវិត ហើយបើជោគជ័យក៏ពិបាកនឹងសម្រេចបានដែរ ពោលគឺទាមទារពេលវេលាយូរណាស់។ មនុស្សថ្ងាសតូចនេះសោត ក៏រមែងជាមនុស្សឯកោផងដែរ។
៥) ថ្ងាសខ្ពស់
ត្រូវបានគេចាត់ទុកជាមនុស្សដែលមានគេស្រលាញ់រាប់អានច្រើន ពួកគេមានជំនាញជាអ្នកដឹកនាំពីកំណើត មិនថាតែក្នុងជួរការងារណាមួយឡើយ។ ជាងនេះពួកគេក៏មានភាពថ្លៃថ្នូរនិងសប្បុរសណាស់ផងដែរ។
ដោយសារតែទេពកោសល្យនៃភាពជាអ្នកដឹកនាំ ឈ្លាសវៃ និងពូកែខាងទំនាក់ទំនងនេះហើយ គឺនឹងអាចនាំឲ្យអ្នកមានថ្ងាសខ្ពស់ រមែងទទួលបានជោគជ័យនិងសុភមង្គលពេញលេញក្នុងជីវិតបាន៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
