ជ្រើសរើសសត្វចចកមួយ ដើម្បីទទួលបានសារណែនាំដ៏ល្អសម្រាប់ជីវិតនៅថ្ងៃនេះ
តាមរយៈសត្វចចេកទាំង ៤ គ្រាប់ដែលមានដូចបង្ហាញក្នុងរូប តើអ្នកពេញចិត្តត្បូងពេជ្រមួយណាជាងគេ? ការជ្រើសរើសរបស់អ្នក អាចទទួលបាននូវសារមួយត្រលប់មកវិញដែលអ្នកត្រូវការបំផុតសម្រាប់ជីវិតនៅថ្ងៃនេះ៖
សត្វចចកទី ១
អ្នកសក្តិសមនឹងទទួលបានរឿងល្អៗដូចជីវិតអ្នកដទៃផ្សេងទៀតអ៊ីចឹងដែរ មិនថាតែស្នេហា ការយកចិត្តទុកដាក់ ភាពជោគជ័យ និងការគោរពឲ្យតម្លៃ។ ប៉ុន្តែពេលខ្លះរឿងទាំងនោះវាពុំបានមកភ្លាមៗនោះទេ ដោយជាក់ស្តែងជីវិតយើងជួនកាលមានភ្លៀងមានខ្យល់ តែព្រះអាទិត្យក៏គង់តែរះជានិច្ច។
ចំណុចមួយដែលអ្នកត្រូវកែតម្រូវពេលនេះ គឺការដែលមិនស្គាល់ច្បាស់ពីខ្លួនឯង និងការបន្ទាបតម្លៃខ្លួនឯង។ ពេលខ្លះអ្នករស់នៅដោយភាពភ័យខ្លាច ខ្លាចរឿងនេះ ខ្លាចរឿងនោះ ខ្លាចអ្នកនេះថាអ៊ីចេះ ថាអ៊ីចុះ រហូតដល់បាត់បង់ភាពជាខ្លួនឯង។
សត្វចចកទី ២
នេះដល់ពេលវេលាសម្រាប់អ្នកហើយ ចូរបន្តដើរលើគោលដៅដែលខ្លួនឯងបានកំណត់ ហើយកុំបោះបង់ឲ្យសោះ ទោះផ្លូវខាងមុខពិបាកបន្តិច មានក្រឡុកបន្តិច ទោះត្រូវដួលក៏ត្រូវក្រោកឡើង ហើយបន្តដំណើរទៅមុខទៀត ជាមួយភាពជឿជាក់និងក្តីសង្ឃឹម។
អ្នកត្រូវចាំ ជោគជ័យកាន់តែធំ កាន់តែទាមទារការលះបង់ធំដូចគ្នា ហើយអ្នកគឺជាមនុស្សប្រភេទហ្នឹង មនុស្សដែលមិនខ្លាចភាពនឿយហត់ ការលំបាក តែពេលខ្លះរាងត្រូវការកម្លាំងចិត្តបន្តិច។
សត្វចចកទី ៣
អ្នកមានរឿងមួយចំនួនដែលដាក់គោលដៅចង់ធ្វើ ប៉ុន្តែក្នុងចិត្ត ជាប់ពាក្យមួយឃ្លាថា "ពន្យារពេលបន្តិចសិន ឬចាំដល់ពេលនេះចាំដល់ពេលនោះ"។ រឿងខ្លះសម្រេចចិត្តភ្លាម បើសិក្សាល្អិតល្អន់ហើយ ចូរអនុវត្តភ្លាម កុំមានការភ័យខ្លាច កុំខ្ជិលនឹងធ្វើ ព្រោះគ្មានសំណាងឯណាធ្លាក់ពីលើមេឃទេ បើមនុស្សមិនខំប្រឹងខ្លួនឯង។
មួយផ្សេងទៀតកុំគិតពីចំណុចអវិជ្ជមានច្រើនពេក ចូរគិតពីរឿងល្អឲ្យបានច្រើន ហើយត្រូវចាំថា ជោគវាសនារបស់អ្នកគឺខ្លួនអ្នកជាអ្នកកំណត់ បើអ្នកចេះតែចាំពេលនេះចាំពេលនោះ ភាពមានបានក៏វាបណ្តែតបណ្តោយទៅតាមនោះដូចគ្នា។
សត្វចចកទី ៤
ដល់ពេលហើយដែលអ្នកត្រូវរៀនបើកបេះដូងទទួលយកនរណាម្នាក់ ទទួលយកអ្វីដែលថ្មី ហើយបញ្ឈប់ការរស់នៅក្នុងអតីតកាល។ បើទោះបីជាកន្លងមកអ្នកធ្លាប់ជួបរឿងខកចិត្ត អ្នកធ្លាប់ធ្វើខុស តែត្រូវចាំថា ពិភពលោកយើងនឹងគឺដើរទៅមុខរហូត មិនឈប់នឹងថ្កល់មួយកន្លែងនោះឡើយ បែបនេះរឿងខ្លះក៏គួរតែឲ្យបោះឲ្យវារសាត់តាមខ្យល់ ហើយបន្សល់ត្រឹមតែមេរៀនជាបទពិសោធន៍បានហើយ៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
