គុណសម្បត្តិទាំង៣របស់មនុស្សស្រី ដែលអាចឱ្យមនុស្សប្រុសលង់ស្នេហ៍ ដកចិត្តមិនរួច
រូបសម្រស់មនុស្សស្រី អាចជាមន្តស្នេហ៍ដំបូងបង្អស់ ដែលធ្វើឱ្យមនុស្សប្រុសក្រឡេកមើល ចាប់អារម្មណ៍ និងលង់ស្រឡាញ់លើនាង។ ប៉ុន្តែ មានគុណសម្បត្តិ៣ ដែលជាមន្តស្នេហ៍យូរអង្វែងសម្រាប់មនុស្សស្រីដែលអាចធ្វើឱ្យមនុស្សប្រុសងប់ងល់ចំពោះមនុស្សស្រីតែម្នាក់ ដោយគ្មានចិត្តងាករេ ទៅស្រឡាញ់ស្រីផ្សេងបានឡើយ។
ដូច្នេះខាងក្រោមនេះ គឺជាគុណសម្បត្តិ និងមន្តស្នេហ៍ដ៏ទាក់ទាញបំផុតរបស់មនុស្សស្រី ដូច្នេះ មនុស្សស្រីទាំងឡាយ គួរតែចាប់អារម្មណ៍ និងអនុវត្តន៍វាបានហើយ។
១. ស្ត្រីឆ្លាត និងមានហេតុផល
ក្នុងនាមជាមនុស្សគ្រប់គ្នា រមែងតែមានមនោសញ្ចេតនា រីករាយ កំហឹង ស្រឡាញ់ នៅលាយឡំចបញ្ចូលគ្នា ... មនុស្សស្រីជាច្រើននៅពេលដែលនាងខឹង នាងនឹងបាត់បង់ការគ្រប់គ្រងលើអារម្មណ៍ និងគំនិតរបស់ខ្លួនឯង។ ដូច្នេះអាកប្បកិរិយាឆេវឆាវ ចិត្តក្ដៅរបស់មនុស្សស្រីបែបនេះ គ្មានមនុស្សប្រុសណាដែលចូលចិត្តនោះឡើយ វាជាអាកប្បកិរិយា ដែលធ្វើឱ្យមនុស្សប្រុសមានអារម្មណ៍ធុញទ្រាន់ចំពោះនាងទៅវិញទេ។
បុរសភាគច្រើនចូលចិត្តស្ត្រីដែលមានភាពវៃឆ្លាត និងមានហេតុផលត្រឹមត្រូវ ដែលចេះគិតពិចារណាជាក់ស្តែង កម្រធ្វើសកម្មភាពលើអារម្មណ៍ ប៉ុន្តែជារឿយៗមានការវិភាគលម្អិត និងជាក់លាក់មុនពេលចាប់ផ្តើមធ្វើអ្វីមួយ។ ស្ត្រីឆ្លាត តែងតែរក្សាភាពស្ងៀមស្ងាត់ បើទោះបីជានាងខឹងខ្លាំងប៉ុនណាក៏ដោយ នាងគឺជាមនុស្សស្រីដែលមានហេតុផល ច្បាស់លាស់ មិនចេះរញ៉េរញ៉ៃច្រើនទេ។
២. ស្ត្រីអ្នកមាន
ស្ត្រីម្នាក់ដែលជាអ្នកមាន តែងតែមានគំនិតចេះសន្សំសំចៃ នេះហើយជាអាកប្បកិរិយាស្ត្រីល្អ ដែលបុរសជាច្រើនប្រាថ្នាជាភរិយា ព្រោះនាងជាមនុស្សស្រីដែលចេះរៀបចំទុកដាក់ មិនខ្ជះខ្ជាយផ្ដេសផ្ដាស។ ជាពិសេសស្ត្រីដែលមានអាជីពស្ថិរភាព មានភាពវៃឆ្លាត និងទេពកោសល្យខ្ពស់ តែងតែត្រូវបានគោរពដោយបុរស ។ នៅក្នុងជីវិតបុរសជាច្រើនគិតថាពួកគេរកឃើញស្ត្រីឯករាជ្យ និងមានភាពទាក់ទាញខ្លាំង។
នៅពេលដែលស្ត្រីអាចមានឯករាជ្យភាពផ្នែកហិរញ្ញវត្ថុ វាក៏ផ្តល់ទំនុកចិត្តដល់ស្ត្រីក្នុងរាល់ការសម្រេចចិត្តបញ្ចេញយោបល់របស់នាងយ៉ាងខ្លាំង ហើយបង្ហាញពីអារម្មណ៍របស់នាងយ៉ាងច្បាស់ផងដែរ។ វាគឺជាមន្តស្នេហ៍ ដែលជួយពួកគេយកឈ្នះអ្នកដែលនៅជុំវិញខ្លួនធ្វើឱ្យមនុស្សរាប់ពាន់នាក់លង់ស្នេហ៍នឹងពួកគេ។
៣. ស្ត្រីម្នាក់ដែលមានអាកប្បកិរិយាជឿជាក់ និងឯករាជ្យ
ក្នុងជីវិតមនុស្សជាច្រើនគិតថា ការធ្វើជាស្ត្រីគ្រាន់តែត្រូវការទឹកមុខស្រស់ស្អាត និងរាងកាយស៊ិស៊ីចគឺគ្រប់គ្រាន់ហើយ។ ប៉ុន្តែការពិតបុរសភាគច្រើនត្រូវបានទាក់ទាញដោយការមើលមួយភ្លែត ហើយអ្វីដែលពួកគេលង់ស្រលាញ់ជារៀងរហូត គឺនិស្ស័យដែលមានទំនុកចិត្ត និងភាពឯករាជ្យរបស់ស្ត្រី។
ស្ត្រីម្នាក់ដែលមានចរិតខ្ពង់ខ្ពស់ ប្រហែលជាមិនមែនជាអ្នកមានទេ ក៏អាចមិនមែនជាស្ត្រីដែលមានរូបសម្រស់ស្រស់ស្អាតឡើយ តែនាងគឺជាស្ត្រីដែលមានអាកប្បកិរិយាមាំមួន មានភាពឯករាជ្យ និងជឿជាក់ មានទំនុកចិត្តខ្ពស់ចំពោះខ្លួននាង នាងមិនពឹងផ្អែកលើអ្នកណា ក៏មិនត្រូវការការរៀបចំភាពស៊ិចស៊ីដើម្បីអន្ទងចិត្តអ្នកណាដែរ តែទំនុកចិត្ត និងភាពឯករាជ្យរបស់នាង នឹងជួយឱ្យនាងមានភាពលេចធ្លោ និងមានមន្តស្នេហ៍រួចទៅហើយ៕
ប្រភព ៖ Phunutoday/Knongsrok
ព័ត៌មានថ្មីៗ
