តាមក្បួនហុងស៊ុយ តើអ្នកត្រូវដេក ក្បាលទៅទិសណាល្អ បើផ្អែកតាមឆ្នាំកំណើតទាំង ១២?
ការជ្រើសរើសទិសនៃក្បាលដំណេក គឺជារឿងដ៏ចាំបាច់មួយក្នុងក្បួនហុងស៊ុយ ដើម្បីអាចនាំលាភនាំសំណាង ហើយបើអ្នកជ្រើសរើសខុសគឺរមែងចេះតែជួបបញ្ហានេះនោះឥតឈប់។ តាមរយៈឆ្នាំកំណើតទាំង ១២ អ្នកអាចផ្ទៀងផ្ទាត់នៅខាងក្រោមបាន តើអ្នកគួរដេកក្បាលទៅទិសណាល្អ៖
អ្នកកើតឆ្នាំកណ្តុរ
គួររក្បាលដំណេកទៅទិសខាងជើង ប៉ុន្តែហាមបែរទៅទិសខាងត្បូងដាច់ខាត។
អ្នកកើតឆ្នាំឆ្លូវ
គួរបែរក្បាលដំណេកទៅទិសខាងកើតឆៀងខាងជើង(ឦសាន) ប៉ុន្តែហាមបែរក្បាលដំណេកទៅទិសខាងលិចឆៀង ខាងត្បូង(និរតី) ដាច់ខាត។
អ្នកកើតឆ្នាំខាល
គួរបែរក្បាលដំណេកទៅទិសខាងកើត ប៉ុន្តែហាមបែរក្បាលដំណេកទៅទិសខាងលិចឆៀងខាងជើងដាច់ខាត(ពាយ័ព្យ)។
អ្នកកើតឆ្នាំថោះ
គួរបែរក្បាលដំណេកទៅទិសខាងកើត ប៉ុន្តែហាមដេកយកក្បាលដំណេកបែរទៅទិសខាងលិចដាច់ខាត។
អ្នកកើតឆ្នាំរោង
គួរបែរក្បាលដំណេកទៅទិសខាងលិចឆៀងត្បូង(និរតី) ប៉ុន្តែហាមបែរទៅទិសខាងកើតឆៀងខាងជើង (ឦសាន)ដាច់ខាត។
អ្នកកើតឆ្នាំម្សាញ់
អ្នកកើតឆ្នាំម្សាញ់គួរបែរក្បាលដំណេកទៅទិសខាងត្បូង ប៉ុន្តែហាមបែរទៅទិសខាងជើងដាច់ខាត។
អ្នកកើតឆ្នាំមមី
គួរបែរក្បាលដំណេកទៅទិសខាងត្បូង ប៉ុន្តែហាមបែរទៅទិសខាងជើងដាច់ខាត។
អ្នកកើតឆ្នាំមមែ
គួរបែរក្បាលដំណេកទៅទិសលិចឆៀងខាងត្បូង(និរតី)ប៉ុន្តែហាមបែរក្បាលដំណេកទៅទិសខាងកើតឆៀងខាងជើង (ឦសាន)ដាច់ខាត។
អ្នកកើតឆ្នាំវក
គួរបែរក្បាលដំណេកទៅទិសខាងលិចឆៀងជើង(ពាយ័ព្យ)ប៉ុន្តែហាមបែរក្បាលដំណេកទៅទិសខាងកើតដាច់ខាត។
អ្នកកើតឆ្នាំរកា
គួរបែរក្បាលដំណេកទៅទិសខាងលិចឆៀងខាងជើង(ពាយ័ព្យ)ប៉ុន្តែហាមបែរក្បាលដំណេកទៅទិសខាងកើតដាច់ខាត។
អ្នកកើតឆ្នាំច
គួរបែរក្បាលដំណេកទៅទិសខាងកើតឆៀងខាងជើង(ឦសាន)ប៉ុន្តែហាមប្រើក្បាលដំណេកទៅទិសលិចឆៀងត្បូង(និរតី)ដាច់ខាត។
អ្នកកើតឆ្នាំកុរ
គួរបែរក្បាលដំណេកទៅទិសខាងជើង ប៉ុន្តែហាមបែរក្បាលដំណេកទៅទិសខាងត្បូងដាច់ខាត៕
ប្រភព៖ Khmer Horoscope
ព័ត៌មានថ្មីៗ
