ការជឿជាក់ទាំង៣ចំណុច ដែលធ្វើឱ្យអ្នកគ្មានថ្ងៃមានស្នេហានឹងគេឡើយនៅក្នុងជាតិនេះ
នៅក្នុងរឿងស្នេហាសម្រាប់មនុស្សមួយចំនួន តែងតែបណ្ដោយឱ្យខ្លួនឯងជឿជាក់ ងប់ងល់ដល់រឿងខ្លះ ជាហេតុដែលធ្វើឱ្យអ្នកមិនអាចមានស្នេហាបាននោះឡើយ។ ដូច្នេះខាងក្រោមនេះ គឺជាអ្វីដែលអ្នកមិនដែលមានស្នេហាតែងតែគិត។
១. តែងតែជឿថា ជីវិតនេះអាចមានស្នេហាពិតតែម្ដងប៉ុណ្ណោះ
មនុស្សជាច្រើនតែងតែគិតថា បន្ទាប់ពីខ្លួនបានជួប ឬស្រឡាញ់នរណាម្នាក់ខ្លាំងហើយនោះ គេម្នាក់នោះគឺជាស្នេហាពិតហើយ ហើយក៏មិនអាចបានជួបអ្នកផ្សេងជាស្នេហាពិតដែរ ព្រោះតែខ្លួនមិនដែលនឹងគិត ឬបើកចិត្តសម្រាប់នរណាម្នាក់ផ្សេងទៀត ដូច្នេះក្នុងមួយជីវិត និងគំនិតរបស់គេគឺ គេអាចមានស្នេហាតែម្ដងប៉ុណ្ណោះ ទោះបីជាមានអ្នកណាចង់ចូលក្នុងជីវិតរបស់គេក៏មិនអាចដែរ ព្រោះតែគេមិនបើកចិត្តទទួលយកនរណាម្នាក់។
២. ជឿថាស្នេហាពិតនឹងរត់មករកខ្លួន
មនុស្សជាច្រើនជឿថាការដេញតាមរកស្នេហា ឬដេញតាមនរណាម្នាក់គឺមិនអាចទេ គេជឿថានៅពេលដែលមាននរណាម្នាក់ស្រឡាញ់គេពិត នោះគេនឹងចូលមកក្នុងជីវិតរបស់ខ្លួនហើយ ដោយអង្គុយស្ងៀមៗរង់ចាំស្នេហាពិត នោះនឹងបានជួបមនុស្សដែលស្រឡាញ់ខ្លួនឯងពិតប្រាកដ មិនបាច់ទៅហត់តាមរកនោះឡើយ។
៣. ជឿថាស្នេហាពិតគ្រាន់តែជាសុបិន
មនុស្សក្នុងបច្ចុប្បន្ននេះ ពិតជាមានច្រើនណាស់ដែលមិនជឿជាក់ថាមានស្នេហាពិត គេគិតថាស្នេហាពិតគឺមានតែនៅក្នុងភាពយន្ត ឬក្នុងការស្រមើស្រមៃ ការយល់សប្តិទាំងថ្ងៃតែប៉ុណ្ណោះ។ មូលហេតុនេះ អាចនិយាយបានថា មកពីគេមិនដែលនឹងបានជួបមនុស្សដែលស្រឡាញ់គេពិត កន្លងមកគេបានជួបតែមនុស្សដែលក្បត់ចិត្ត និងធ្វើឱ្យគេឈឺចាប់តែប៉ុណ្ណោះ។ ដូច្នោះហើយ សម្រាប់គេ គឺគ្មានទេស្នេហាពិតនៅលើលោកមួយនេះ៕
ប្រភព ៖ gangbeauty / ប្រែសម្រួល ៖ ភី អេក (ក្នុងស្រុក)
ព័ត៌មានថ្មីៗ
