អ្នកប្រហែលជាគិតថាប្រពន្ធល្ងង់ ដែលចេះតែទ្រាំនឹងប្ដីចរិតមិនកើត គ្មានកំណើត មិនមែននាងស្រឡាញ់អ្នកទេ តែនាងទ្រាំក៏ព្រោះតែកូនតែប៉ុណ្ណោះ

• 2024-06-06

ឃើញមនុស្សស្រីភាគច្រើន តែងតែខាំមាត់សង្កត់ចិត្ត អត់ទ្រាំជាមួយនឹងប្ដីមួយចំនួនដែលមានចរិតមិនល្អ ពាលា អាវាសែ តែនាងនៅតែស៊ូទ្រាំរួមរស់ជាមួយ ទាំងការឈឺចាប់ផ្លូវកាយ ទ្រុឌទ្រោមផ្លូវចិត្ត មនុស្សស្រីខ្លះ ទ្រាំស្ទើរតែពេញមួយជីវិតថែមទៀតផង នេះហើយជាភាពល្ងង់បំផុតរបស់មនុស្សស្រី។

តែអ្នកដឹងទេថា ហេតុអ្វីបានជាមនុស្សស្រីនាងទ្រាំល្ងង់ដល់ថ្នាក់នេះ ហេតុផលគឺមានតែមួយគត់ មិនមែនព្រោះតែនាងស្រឡាញ់ ងប់ងល់នឹងប្ដីចរិតមិនល្អនេះទេ តែក៏ព្រោះតែនាង មានចិត្តអាណិត និងគិតគូរដល់កូនខ្លាំងតែប៉ុណ្ណោះ។

- នាងមិនចង់ឃើញកូនត្រូវកំព្រា គ្មានឪពុកហៅ ទើបនាងនៅទ្រាំ។

- នាងមិនចង់ឱ្យកូន មានគម្លាតរវាងមិត្តភក្តិ អ្នកជុំវិញ ព្រោះតែត្រូវគេរើសអើងថាជាកូនគ្មានឪពុក ឬកូនម៉ែឪលែងលះគ្នា...។

ទោះយ៉ាងណា នាងក៏នៅតែទ្រាំ ស៊ូលំបាកកាយ ហត់នឿយចិត្ត តែម្នាក់ឯង ដឹងទេថា អារម្មណ៍ស៊ូទ្រាំនឹងជីវិតគូដែលមិនល្អ វាវេទនាផ្លូវចិត្តកម្រិតណា ស៊ូទ្រាំរងពាក្យប្រមាថ មើលងាយ និងសម្ពាធផ្លូវចិត្តជាច្រើន គ្រប់យ៉ាង ក៏ដើម្បីតែកូនម្នាក់នេះហើយ អារម្មណ៍អ្នកជាម្ដាយ ទើបយល់ច្បាស់ពីបញ្ហាមួយនេះ៕

អត្ថបទ ៖ ភី អេក

ក្នុងស្រុករក្សាសិទ្ធ

រក្សា​សិទ្ធិ​ដោយ​៖ ក្នុងស្រុក