មកដល់ថ្មីទៀតហើយ « ដេញចាប » ចំណីអារម្មណ៍ប្លែកបទភ្លេងរណ្តំតាមស្ទីល៍ស្រុកស្រែ ស្តាប់ហើយចង់តែរាំតាម (មានវីដេអូ)
ដូចដែលយើងបានដឹងរួចមកហេីយថា ផលិតកម្ម GMB បើទោះបីជាផលិតកម្មទើបតែបង្កើតថ្មី តែបានកសាងស្នាដៃជាមួយបទចម្រៀង Original Song ជាច្រើនបទ និងអ្នកចម្រៀងពោរពេញដោយសមត្ថភាព ហើយបទដែលល្បីកន្លងមកទទួលបានការពេញនិយមខ្លាំងនោះគឺបទ រាស្រ្តសាមញ្ញា បទ អង្វរព្រះតេជគុណ និងបទច្រៀងជាច្រើនបទអមដោយវីដេអូចម្រៀងគួរឱ្យចាប់អារម្មណ៍។
ថ្មីៗនេះផងដែរ ផលិតកម្មថ្មីសន្លាងមួយនេះបានបញ្ចេញបទចម្រៀងគួរឱ្យចាប់អារម្មណ៍មួយបទទៀតហើយមានចំណងជើងថា «ដេញចាប » ដោយបទចម្រៀងនេះបានបញ្ចេញស្ទីល៍ថ្មីបែបស្នេហាស្រុកស្រែពិតជាពិរោះរណ្តំមែនទែន អមដោយបរិយាកាសបែបជនបទ ច្រៀងដោយកញ្ញា ម៉ាម៉ា។
បទចម្រៀងដែលមានលក្ខណៈផ្តោះផ្តងពីស្នេហាស្រីប្រុសបែបជនបទមួយបទនេះ មើលទៅមានលក្ខណៈប្លែក ទាំងបទភ្លេង អមដោយអ្នកចម្រៀងសំឡេងពីរោះផងនោះ ធ្វើឱ្យអ្នកស្តាប់មានអារម្មណ៍ស្រស់ស្រាយចង់តែរាំលេងកម្សាន្តបំបាត់ក្តីនឿយកង្វល់ពីការងារផ្សេងៗ។
ដើម្បីឱ្យកាន់តែជ្រាបច្បាស់ សូមទស្សនាវីដេអូចម្រៀងខាងក្រោម ៖
ព័ត៌មានថ្មីៗ
