អ្នកជំងឺកូវីត១៩ ព្យាបាលជា៣នាក់ទៀតហើយ ខណៈពេលដែលមិនមានករណីវិជ្ជមានថ្មីៗបន្ថែមឡើយ
ក្រសួងសុខាភិបាល បានចេញសេចក្ដីប្រកាសអំពីលទ្ធផល ធ្វើតេស្តរកវិជ្ជមានអ្នកជំងឺកូវីត១៩ សម្រាប់ថ្ងៃ២០ មេសា ២០២០ គឺមិនមានករណីវិជ្ជមានថ្មីបន្ថែមទៀតឡើយ ខណៈពេលដែលអ្នកព្យាបាលជាសះស្បើយ គឺមាន៣នាក់ទៀត។
សរុបអ្នកព្យាបាលជាសះស្បើយទាំងអស់គឺកើនដល់ ១១០នាក់ និងអ្នកកំពុងសម្រាកព្យាបាលមានត្រឹមតែ ១២នាក់ទៀតតែប៉ុណ្ណោះ។ នេះជាដំណឹងល្អសម្រាប់ប្រទេសកម្ពុជា ដែលតួលេខអ្នកជាសះស្បើយកើនឡើងរាល់ថ្ងៃ ចំណែកអ្នកឆ្លងថ្មីៗទៀត គឺ 0ករណី។
សរុបចំនួនអ្នកឆ្លងជំងឺកូវីត១៩ទាំងអស់នៅកម្ពុជា គឺមានចំនួន ១២២នាក់ ក្នុងនោះស្ត្រីចំនួន ៣៨នាក់ និងបុរសចំនួន ៨៤នាក់៕
ព័ត៌មានថ្មីៗ
