សោកស្តាយណាស់! ដើមឈើអាយុកាលចំណាស់រាប់រយឆ្នាំ ដុះលើប្រាសាទតាព្រហ្មបានបាក់រលំហើយដោយសារខ្យល់ និងភ្លៀងខ្លាំង
កាលពីយប់ថ្ងៃទី ១២ ខែមេសា ឆ្នាំ ២០២០ រហូតដល់រំលងចូលថ្ងៃទី ១៣ ខែមេសា ឆ្នាំ ២០២០ មានខ្យល់ខ្លាំង រួមជាមួយនឹងភ្លៀងមួយមេធំ ធ្លាក់ស្ទើរពាសពេញផ្ទៃប្រទេសកម្ពុជាយើង ផ្តល់នូវភាពត្រជាក់ត្រជុំដោយកន្លែង តែទីតាំងខ្លះបានរងគ្រោះព្រោះតែខ្យល់កន្ត្រាក់ខ្លាំងខូចខាតសម្បត្តិផងដែរ។
តែអ្វីដែលកាន់តែសោកស្តាយនោះ ភ្លៀងមួយមេធំនោះ បានធ្វើឱ្យដើមឈើដែលមានអាយុកាលរាប់រយឆ្នាំ បានបាក់រលំ ដែឡដើមឈើនោះដែរត្រូវបានគេដឹងថាដុះនៅលើប្រាសាទតាព្រហ្ម ជាប្រាង្គប្រាសាទបុរាណ រក្សាទុកដើមឈើឲ្យដុះលើប្រាង្គប្រាសាទ ដើម្បីទាក់ទាញទេសចរណ៍ព្រោះថាលើពិភពលោកយើងនេះ គ្មានប្រាសាទបុរាណណា ដែលមានដើមឈើធំៗអាយុរាប់រយឆ្នាំ ដុះលើប្រាសាទបុរាណដូចនៅប្រទេសកម្ពុជាយើងទេ។
ទោះជាយ៉ាងណាតាមប្រភពឱ្យដឹងថា ដើមឈើដែលដុះលើប្រាសាទដែលបាក់ដួលរលំគឺជាដើមឈើមួយចំនួនប៉ុណ្ណោះ តែក៏នៅសេសសល់ដើមឈើមួយចំនួនទៀតលើប្រាង្គប្រាសាទដែរ ហើយពេលនេះអាជ្ញាធរកំពុងតែដុតដៃដុតជើងរៀបចំ និងបោសសម្អាតដូចដើម៕
ប្រភព : Ly Heng
ព័ត៌មានថ្មីៗ
