តោះ! មកស្គាល់ ពណ៌សង្ក្រាន្ត និងបុប្ផជាតិទាំងប្រាំពីរ ដែលទេពធីតាសង្ក្រាន្តទ្រង់សៀតស៊កលម្អនូវព្រះកាណ៌​ ដែលផ្កាខ្លះស្ទើរតែគ្មានអ្នកស្គាល់

តោះ! មកស្គាល់ ពណ៌សង្ក្រាន្ត និងបុប្ផជាតិទាំងប្រាំពីរ ដែលទេពធីតាសង្ក្រាន្តទ្រង់សៀតស៊កលម្អនូវព្រះកាណ៌ ដែលផ្កាខ្លះស្ទើរតែគ្មានអ្នកស្គាល់

2020-04-09

ចូលឆ្នាំថ្មីប្រពៃណីខ្មែរយើង គឺចំមហាសង្រ្កាន្ត ឆ្នាំជូត ទោស័ក ចុល្លសករាជ ១៣៨២ មហាសករាជ ១៩៤២ពុទ្ធសករាជ ២៥៦៤ គ្រិស្តសករាជ ២០២០ ព្រះពុទ្ធសករាជព្រះសាសនា អតិកន្តាកន្លងទៅហើយបាន ២៥៦៣ ត្រឹមថ្ងៃ១៥កើត ខែពិសាខ លុះដល់ ថ្ងៃ១រោច ខែពិសាខ ឆ្នាំជូត ទោស័កតទៅចូលពុទ្ធសករាជ ២៥៦៤។

សង្ក្រាននឹងចូលមកដល់នៅវេលាម៉ោង២០:៤៨នាទីយប់ ថ្ងៃចន្ទ័ ៦រោច ខែចែត្រ ត្រូវនឹងថ្ងៃទី១៣ ខែមេសា គ្រិស្តសករាជ២០២០។ ពេលនោះព្រះអាទិត្យចរចេញពីមីនរាសី ទៅឋិតនៅឯមេសរាសីតាមផ្លូវគោវិថីគឺផ្លូវកណ្តាល ទើបមានទេវធីតាមួយព្រះអង្គជាមគ្គនាយិកាព្រះនាម គោរាគទេវី ជាបុត្រីទី២ នៃកបិលមហាព្រហ្ម គង់នៅចាតុម្មហារាជិកា ទ្រង់អម្ពរពណ៌លឿង លម្អនូវព្រះកាណ៌ដោយសៀតផ្កាអង្គាបុស្ប អាភរណៈទ្រង់ពាក់កែវមុក្តា ភក្សាហារទ្រង់សោយតេលំ ទ្រង់អាវុធព្រះហស្តស្តាំទ្រង់ព្រះខ័ន ព្រះហស្តឆ្វេងទ្រង់យដ្ឋិ គង់ផ្ទំបើកព្រះនេត្រលើខ្នង ព្យគ្ឃ ជាពាហនៈ។

នៅក្នុងនោះតើកូនខ្មែរដឹងទេថា តើបុត្រីកបិលមហាព្រហ្ម ដែលជាទេវតាយោងចុះមកថែរក្សាដែនដីកម្ពុជរដ្ឋទាំង ៧ អង្គសុទ្ធតែស្លៀកឈុតពណ៌ខុសៗគ្នាទៅតាមតម្រាសង្ក្រានពោលខុសពីពណ៌ប្រចាំថ្ងៃ ថែមទាំងសៀតផ្កាខុសគ្នាដែលផ្កាខ្លះយើងប្រហែលជាមិនធ្លាប់ស្គាល់ផងដែរ។

តោះថ្ងៃនេះមកស្គាល់ពណ៌សង្ក្រាន និងបុប្ផជាតិទាំង ៧ របស់ទេពធីតាទាំងអស់គ្នាខាងក្រោម ៖

# ក្រុមបុប្ផជាតិទាំងប្រាំពីរដែលទេវធីតាសង្ក្រាន្តទ្រង់សៀតស៊កលម្អនូវព្រះកាណ៌ រួមមាន៖

*ថ្ងៃអាទិត្យ ទេព្តាព្រះនាម ទុង្សាទេវី សៀតផ្កាទទឹម

*ថ្ងៃចន្ទ ទេព្តាព្រះនាម គោរាគទេវី សៀតផ្កាអង្គាបុស្ប

*ថ្ងៃអង្គារ៍ ទេព្តាព្រះនាម រាក្យសាទេវី សៀតផ្កាបទុម (ផ្កាឈូក)

*ថ្ងៃពុធ ទេព្តាព្រះនាម មណ្ឌាទេវី សៀតផ្កាចម្ប៉ា

*ថ្ងៃព្រហស្បត្តិ៍ ទេព្តាព្រះនាម កិរិណីទេវី សៀតផ្កាមន្ទារ ឬ មន្ទារវបុស្ប ឬ មន្ទារបុស្ប ខ្មែរច្រើនហៅថាមន្ថាតាមសំនៀងសៀម (កម្រឃេីញណាស់ តែរូបរាង្គវាដូចផ្កាយីហ៊ុប ទាស់តែយីហ៊ុបពណ៌ស ហេីយតូចជាងបន្តិច)

*ថ្ងៃសុក្រ ទេព្តាព្រះនាម កិមិរាទេវី សៀតផ្កាចង្កុលណី (វារិជជាតិជំពូកព្រលិត លំចង់)

*ថ្ងៃសៅរ៍ ទេព្តាព្រះនាម មហោទរាទេវី សៀតផ្កាត្រកៀត (វារិជជាតិជំពូកកំប្លោក)

# ពណ៌នៅក្នុងតម្រាមហាសង្ក្រានខុសគ្នានឹងពណ៌ប្រចាំថ្ងៃ

ជាក់ស្តែងពណ៌ទាំងប្រាំពីរនៅក្នុងតម្រាមហាសង្ក្រាន្តមិនសុទ្ធតែដូចទៅនឹងពណ៌តំណាងអោយថ្ងៃទាំងប្រាំពីរឡេីយជាក់ស្តែងគឺថ្ងៃអង្គារ៍ ថ្ងៃសុក្រ និងថ្ងៃសៅរ៍។ សូមមេីលលក្ខណ:ខុសគ្នាដូចខាងក្រោម៖

90970271_634618913779947_567985420323782656_o