មិនទាន់ផុត Coronavirus ផង ចេញ Hantavirus មួយទៀតមានរោគសញ្ញាដូចកូរ៉ូណាដែរតែសាហាវជាង ក្រោយរកឃើញបុរសម្នាក់ដេកដួលស្លាប់លើឡានក្រុង
បច្ចុប្បន្ននេះ Coronavirus ឬ Covid-19 បាននឹងកំពុងតែរាតត្បាតលើប្រទេសជាច្រើនក្នុងពិភពលោកទាំងប្រទេសប៉ែកអាស៊ី ប្រទេសជឿនលឿនប៉ែកអឺរ៉ុប និងអាមរិច ក៏កំពុងតែរអារវីរុសនេះដែរ។
តែកាន់តែភ្ញាក់ផ្អើល ស្រាប់តែពេលនេះមានអ្នកបាត់បង់ជីវិតភ្លាមៗលើឡានក្រុងប្រទេសចិន ត្រូវបានគេរកឃើញថាមានផ្ទុកវីរុសមួយទៀតមានឈ្មោះថា Hantavirus ដែលគេស្គាល់ថាជាវីរុសម៉្យាងដែលមានគ្រោះថ្នាក់ខ្លាំងជាងវីរុសកូរ៉ូណាទៅទៀត ប៉ុន្តែមានរោគសញ្ញាប្រហាក់ប្រហែលគ្នាទៅវិញ។
តាមសារព័ត៌មាន Dailymail បានឱ្យដឹងថា មានជនរងគ្រោះមួយរូប បានស្លាប់នៅលើរថយន្ដក្រុងមួយក្នុងខេត្ដសានដុង ពេលកំពុងធ្វើដំណើរទៅធ្វើការ ហើយបានពិនិត្យរកឃើញតេស្តវិជ្ជមានវីរុសថ្មីមួយនេះ ហើយក្នុងពេលនេះផងដែរ អ្នករួមដំណើរលើឡានក្រុង ៣២ នាក់ទៀតក៏កំពុងតែធ្វើតេស្តវីរុសនេះដូចគ្នា។
គួរឱ្យដឹងផងដែរថា ក្រុមអ្នកជំនាញបានរៀបរាប់ថា វីរុសនេះមិនមែនជាវីរុសថ្មីទេ ដោយវាកើតឡើងដំបូងក្នុងឆ្នាំ ១៩៥០ កំឡុងសង្គ្រាមរវាងសហរដ្ឋអាមេរិក និងកូរ៉េ នៅទឹកដីកូរ៉េ (ទន្លេ Hanta )ហើយវាមិនងាយឆ្លងរាលដាលពីមនុស្សម្នាក់ទៅមនុស្សម្នាក់ទៀតដែរ តែសត្វកណ្ដុរជាប្រភពចម្លងវីរុសនេះ ប្រសិនបើមនុស្ស ប៉ះពាល់ជាមួយទឹកនោម ទឹកមាត់ លាមក ឬ បរិភោគគ្រឿងក្នុងរបស់សត្វកណ្តុរនេះ។
ទោះវាមិនងាយនឹងឆ្លង តែនិងជាវីរុសកម្រតែវាជាវីរុសសាហាវជាងកូរ៉ូណា ដោយអត្រាមរណភាពមានប្រមាណ ៣៨% ហើយវាមានរោគសញ្ញាប្រហាក់ប្រហែលគ្នានឹងរោគសញ្ញាCovid-19 ដែរ ដែលវាមានអាការដូចជា ដង្ហើមខ្លី ក្អក ឈឺក្បាល និងគ្រុនក្តៅជាដើម៕
ព័ត៌មានថ្មីៗ
