ក្តៅៗ ឃ្លាំងឡានមួយកន្លែងនៅស្ពានអាកាសផ្សារដីហុយ កំពុងតែឆាបឆេះខ្លាំងសុទ្ធតែឡានតម្លៃថ្លៃៗ (មានវីដេអូ)
ក្តៅៗ ពេលនេះកំពុងតែមានអគ្គិភ័យឆាបឆេះយ៉ាងខ្លាំង នៅក្រុមហ៊ុនឡាន Mitsubishi ផ្នែកឃ្លាំងរថយន្ត នៅតាមផ្លូវសហព័ន្ធរុស្ស៊ី ក្បែរស្ពានអាកាសផ្សារដីហុយ រាជធានីភ្នំពេញ។
ការឆាបឆេះនេះកើតឡើងប្រមាណជាម៉ោងជាង ៣ រសៀល ដោយដំណឹងដំបូង ការឆាបឆេះនេះបណ្តាលមកពីការផ្ទុះហ្គាស ធ្វើឱ្យមានការឆាបឆេះ និងមានសំឡេងផ្ទុះជាខ្លាំងរហូតប៉ូលីសអគ្គិភ័យមិនហ៊ានចូលបាញ់ពន្លត់ជិតឡើយ ដោយការឆាបឆេះនេះធ្វើឱ្យមានការឆាបឆេះឡានទំនើបជាច្រើនគ្រឿង។
គួរឱ្យដឹងផងដែរថា រហូតដល់ម៉ោង ៤រសៀលនេះ អគ្គិភ័យនៅតែបន្តឆាបឆេះ ដោយក្រុមពន្លត់អគ្គិភ័យ កំពុងតែរកមធ្យោបាយដើម្បីចូលពន្លត់ឱ្យបានពិត ព្រោះតែស្ថានភាពគ្រោះថ្នាក់ដោយមានការផ្ទុះជាបន្តបន្ទាប់។
សូមទស្សនាវីដេអូខាងក្រោមនេះ ៖
ព័ត៌មានថ្មីៗ
