Covid-19 មិនមែនជាបញ្ហា! Studio រឿងធំៗរបស់ហូលីវូត នៅតែបន្តដំណើរការថតសាច់រឿងរបស់ខ្លួនទៅតាមគម្រោងទុក
ដូចជាទស្សនិកជានជាច្រើនបានដឹងហើយថា មកទល់ពេលនេះ បញ្ជីកុនរបស់ផលិតកម្មធំៗ និង TV Series មួយចំនួនត្រូវបានពន្យារពេល ឬលុបចោល ដោយសារជំងឺ Coronavirus រាលដាលកាន់តែខ្លាំងឡើងៗ ពីមួយថ្ងៃទៅមួយថ្ងៃ។ No time to die របស់ James bond គឺជាខ្សែភាពយន្តដ៏ធំដំបូងបង្អស់ដែលត្រូវបានរុញពេលបញ្ចាំងទៅដល់ចុងឆ្នាំវិញ បន្ទាប់មកទៀតមានដូចជា Mulan, Shang-Chi and the legend of the Ten Ring, Fast & Furious 9, The New Mutants, A Quiet Place 2 និងរឿងផ្សេងៗទៀត ។
Studio មួយក្នុងចំណោម Studio ធំៗផ្សេងទៀតបានប្តេជ្ញាថានឹងបន្តការងារថតរបស់ពួកគេ នោះគឺ Warner Bros ដែលមានដូចជារឿង The Batman និង The Matrix 4 គ្រោងនឹងបន្តការថតអោយចប់ ទោះបីជាមានពាក្យចចាមអារាមដែលលើកឡើងថារឿង Wonder Woman 1984 នាពេលខាងមុខអាចនឹងត្រូវពន្យារពេលក៏ដោយ។ ឥឡូវនេះរបាយការណ៍ថ្មីហាក់ដូចជាបង្ហាញថាគំរោងថវិកាដ៏ធំមួយផ្សេងទៀតរបស់ Studio ដែលមិនទាន់មានចំណងជើងច្បាស់លាស់ គឺរឿង Fantastic Beasts 3 នឹងចាប់ផ្ដេីមដំណេីរការថតនៅថ្ងៃច័ន្ទនេះហេីយ ។
Fantastic Beast 3 នាំមកជូនដោយអ្នកស្រី J.K. Rowling និងលោក Steve Kloves ដែលជាអ្នកសរសេររឿង Harry Potter ក៏ល្បីល្បាញ ដូច្នេះយេីងមានក្ដីសង្ឃឹមខ្ពស់ថាវគ្គក្រោយនេះនឹងល្អប្រសើរជាងមុន មិនអោយហ្វេនស្រឡាយរឿងនេះខកបំណង។
Johnny Depp នៅតែជាតារាសម្តែងដើរតួសំខាន់នៅក្នុងរឿង Fantastic Beasts 3 នេះ ហេីយដេីម្បីក្នុងគោលបំណងចង់ធ្វើឱ្យអ្នកគាំទ្រស្រឡាយរឿង Harry Potter រំជើបរំជួលជាមួយខ្សែភាពយន្តនេះបន្ថែមទៀត គេអាចនឹងបញ្ចូលនូវរឿងរ៉ាវជាច្រើនដែលពាក់ព័ន្ធជាមួយសាលាធ្មប់ Hogwarts និង គ្រូតា Jude Law Dumbledore ជាដេីម ៕
ប្រភពព័ត៌មាន៖ ពោតផ្ទុះ - Popcornkh
ព័ត៌មានថ្មីៗ
