៤ករណីថ្មីទៀត ជាជនជាតិខ្មែរឥស្លាម២នាក់ខេត្តព្រះវិហារ បុរសជនជាតិខ្មែរម្នាក់មកពីប្រទេសបារាំង និងកូនរបស់ជនជាតិបារាំងអាយុ៤ខែ មានវិជ្ជមាន Covid-19
ជាថ្មីម្តងទៀតហើយ ពេលនេះក្រសួងសុខាភិបាលកម្ពុជាបានប្រកាសថា ប្រទេសកម្ពុជាបានរកឃើញ ៤ករណីបន្ថែមទៀត ដែលមានផ្ទុកវីរុសកូរ៉ូណា Covid-19 គឺជាជនជាតិខ្មែរឥស្លាម២នាក់ នៅខេត្តព្រះវិហារ , បុរសជនជាតិខ្មែរម្នាក់ដែលទើបត្រលប់មកពីប្រទេសបារាំង និង កូនប្រុសអាយុ ៤ខែ របស់ជនជាតិបារាំង អាយុ៣៥ឆ្នាំ។
ដោយជនជាតិខ្មែរឥស្លាម ២នាក់ ដែលរកឃើញថាមានផ្ទុកវីរុសនេះ ទើបតែត្រលប់មកពីចូលរួមពិធីសាសនានៅជិតទីក្រុងកូឡាឡាំពួ ប្រទេសម៉ាឡេស៊ី ដោយចំនួនសរុបជនជាតិខ្មែរឥស្លាមចូលរួម ១០នាក់ អ្នកមានតេស្តវិជ្ជមានតែ ២នាក់ប៉ុណ្ណោះ។
ដូច្នេះបើគិតមកទល់យប់ថ្ងៃទី ១៥ ខែមីនា ឆ្នាំ ២០២០ នេះ កម្ពុជាបានរកឃេីញករណីជំងឺ COVID-19 សរុបចំនួន ១២ករណី ហើយដោយបូកបញ្ចូលទាំង
- ១ករណី ជនជាតិចិន ភេទប្រុស អាយុ៦០ឆ្នាំ ជាសះស្បេីយ
- ១ករណី ជនជាតិខ្មែរ ភេទប្រុស អាយុ៣៨ឆ្នាំ សុខភាពល្អ នៅសៀមរាប
- ៣ ករណី ជនជាតិអង់គ្លេស (ស្រី២ករណី ប្រុស១ករណី) ពួកគាត់គ្មានរោគសញ្ញាគួរឱ្យកត់សំគាល់ទេ និងមានសុខភាពល្អកំពុងព្យាបាលក្នុងមន្ទីរពេទ្យភ្នំពេញ
- ១ករណី ជនជាតិកាណាដា នៅភ្នំពេញ
- ១ករណី ជនជាតិ បែលហស្សិក នៅភ្នំពេញ
- ១ករណី បុរសជនជាតិបារាំង អាយុ៣៥ឆ្នាំ ដែលរកឃើញកាលពីព្រឹកថ្ងៃទី ១៥ ខែមីនា ឆ្នាំ ២០២០ នេះ ៕
ព័ត៌មានថ្មីៗ
