ស្អាតខ្លាំងណាស់ ផ្កាសាគូរ៉ា នៅភ្នំពេញ ! តែមួយឆ្នាំរីកតែម្តងគត់ មានបានទៅថតរូបលេងនៅ?
ដើមផ្កាសាគូរ៉ាជាច្រើនដើម នៅក្នុងប្រទេសកម្ពុជា ត្រូវបានគេដឹងថា មានការឧបត្ថម្ភពីប្រទេសជប៉ុនកាលពីប៉ុន្មានឆ្នាំមុន ដោយមានការដាំជាច្រើននៅកន្លែងសំខាន់ៗនៅទីក្រុងភ្នំពេញ ជាពិសេសគឺនៅបណ្តោយប្របតាមាត់ទន្លេមុខព្រះបរមរាជវាំងតែម្តង។
កន្លងមកច្រើនឆ្នាំ ដើមសាគូរ៉ាមានការរីកលូតលាស់ ខ្ពស់ត្រដែត និងមានលាស់ផ្កាស្រស់ស្អាតផងដែរ ជារៀងរាល់ឆ្នាំ មានសម្រស់ស្រស់ស្អាតមិនចាញ់សាគូរ៉ានៅក្នុងប្រទេសជប៉ុនឡើយ ដោយផ្កាសាគូរ៉ានៅប្រទេសជប៉ុនដោយសារអាកាសធាតុត្រជាក់ជារៀងរាល់ឆ្នាំវានឹងរីកនៅខ្ទង់ខែ មករា និងរីកពេញលេញនៅក្នុងខែ មេសា។
ដោយឡែកនៅក្នុងឆ្នាំនេះ ផ្កាសាគូរ៉ា នៅក្នុងប្រទេសកម្ពុជាយើងដោយសារតែអាកាសធាតុរាងក្តៅ វាបានចាប់ផ្តើមរីកបណ្តើរៗហើយ លាយឡំនឹងផ្កាស្រស់ស្អាត ស្វាយ ផ្កាឈូក និង ស ចម្រុះគ្នា បង្កើតជាទស្សនីយភាពយ៉ាងស្ស់ស្អាតអស្ចារ្យគួរជាទីមនោរម្យ។
ដូច្នេះសម្រាប់អ្នកដែលចង់ទស្សនាផ្កាសាគូរ៉ារីក ដ៏ស្រស់ស្អាតមិនចាញ់ប្រទេសជប៉ុន សូមប្រញាប់រួសរាន់ទៅថតរូបលេងកម្សាន្តឱ្យលឿនបន្តិច ព្រោះតែផ្កាប្រភេទនេះ ទោះបីជាមានភាពស្រស់ស្អាតតែវាឆាប់រោយ និងជ្រុះធ្លាក់ដីណាស់ ដោយរយៈពេលវារីកត្រឹមតែ ២អាទិត្យប៉ុណ្ណោះ ៕
ប្រភពរូបភាព៖ Eco Vak Song
ព័ត៌មានថ្មីៗ
