នៅលើលោកនេះអ្វីដែលសំខាន់ជាងគេនៅពេលដែលមនុស្សម្នាក់រស់នៅដោយស្គាល់ពីខ្លួនឯងច្បាស់
កាលពីថ្ងៃទី១៧ ខែមករា ឆ្នាំ២០២០ កន្លងមកនេះ Netflix ទើបតែបញ្ចេញនូវគំនូរជីវចលថ្មីមួយរបស់ខ្លួន ដែលសាច់រឿងទាំងមូលនេះត្រូវបានដកស្រង់ចេញពីវីដេអូហ្គេមដ៏ល្អមួយ។ គំនូរជីវចលនេះមានចំណងជើងថា NiNoKuni សាច់រឿងទាំងមូលត្រូវបានដកស្រង់ចេញពីវីដេអូហ្គេមមួយរបស់ប្រទេសជប៉ុនដែលចេញកាលពីឆ្នាំ២០១០។
គំនូរជីវចលនេះនិយាយអំពីជីវិតដែលជាយុវវ័យរបស់ក្មេងៗ៣រូបដែលពួកគេជាមិត្តដ៏ល្អនិងគ្នា។
ថ្ងៃមួយពួកគេទាំង៣ក៏បានជួបជាមួយនិងហេតុការណ៍ដ៏ចម្លែកមួយហើយដោយសារតែហេតុការណ៍មួយនោះហើយវាក៏បាននាំយកអ្នកទាំង៣ទៅកាន់ពិភពមួយទៀតដែលចម្លែកខុសពីអ្វីដែលពួកគេធ្លាប់បានជួប ប៉ុន្តែអ្វីដែលកាន់តែចម្លែកនោះគឺពិភពដែលពួកគេបាននៅ និងពិភពលោកបច្ចុប្បន្នដែលពួកគេធ្លាប់តែប្រកបជីវិតប្រចាំថ្ងៃនោះវាមានការទាក់ទងគ្នាយ៉ាងខ្លាំង ។ ហើយភារកិច្ចរបស់ពួកគេត្រូវធ្វើយ៉ាងណាដើម្បីជួយសង្គ្រោះពិភពលោកទាំង២អោយផុតពីសេចក្តីវិនាសកម្ម ។
ជាមួយនិងខ្សែភាពយន្តនេះនិងនាំអ្នកទាំងអស់គ្នាអោយទៅឃើញនូវទេសភាពដ៏ចម្លែកនៅក្នុងពិភពមួយទៀតដែលអ្នកមិនដែលធ្លាប់ឃើញនិងទៅដល់ពីមុនមក ។
ហើយជាមួយនិងគំនូរជីវចលមួយនេះផងដែរវានិងផ្តល់នូវរូបភាពដ៏ស្រស់ស្អាតជាច្រើនដែលនិងក្លាយទៅជាការចងចាំមួយដ៏កម្ររកបាន ។
មិនត្រឹមតែផ្តល់នូវទេសភាពដែលមិនអាចបំភ្លេចបានទៅដល់ទស្សនិកជននោះទេ ប៉ុន្តែសាច់រឿងទាំងមូលនេះនិងធ្វើអោយអ្នកទស្សនាទាំងអស់ស្រក់ទឹកភ្នែកជាមួយនិងឈុតឆាកស្នេហាដ៏កំសត់របស់ពួកគេថែមទៀតផង ។
មិនតែប៉ុណ្ណោះសាច់រឿងនេះក៏បានបង្ហាញអោយយើងឃើញដែរថា ពេលខ្លះពិភពលោកមួយដែលវាមិនមែនជាការពិត ពោលគឺវាគ្រាន់តែជាក្តីស្រមៃប៉ុណ្ណោះ ប៉ុន្តែប្រសិនបើអាចរើសបានពិភពលោកមួយនោះប្រហែលជាសាកសមនឹងយើងជាង ពិភពលោកបច្ចុប្បន្នដែលពោពេញទៅដោយទុក្ខវេទនាមិនអាចហាស្តីបានមួយនេះ ។
តោះប្រសិនបើអ្នកចង់ទស្សនាគំនូរជីវចលមួយនេះលោកអ្នកអាចចូលទៅស្វែងរកបានដែលពេលនេះកំពុងមាននៅលើ Netflix នេះគឺជាគំនូរជីវចលមួយដែលអ្នកគ្រប់គ្នាមិនគួររំលងទាល់តែសោះ ៕
រក្សាសិទ្ធដោយ ៖ ក្នុងស្រុក
ព័ត៌មានថ្មីៗ
