កុំផ្ញើក្ដីសង្ឃឹម និងសុភមង្គលខ្លួនឯង ទៅលើបបូរមាត់អ្នកដទៃ
ធ្វើជាមនុស្សត្រូវរៀនស្ដាប់ រៀនមើលអ្នកដែលជុំវិញខ្លួន តែកុំព្រោះតែចង់តាមអ្នកដទៃ កុំចេះតែតាមផ្គាប់ចិត្តគេ រហូតដល់ធ្វើឱ្យខ្លួនឯង បាត់បង់តម្លៃ និងក្ដីសុខ។
ជីវិតយើង គឺយើងជាអ្នករ៉ាប់រង និងទទួលខុសត្រូវ កុំយកក្ដីសង្ឃឹម និងក្ដីសុខ សុភមង្គលនៃជីវិតខ្លួនឯង ទៅផ្ញើលើបបូរមាត់របស់អ្នកដទៃឱ្យសោះ ព្រោះយ៉ាងណា ក៏អ្នកដទៃ មិនដែលចង់ឱ្យយើងល្អ ឬមានក្ដីសុខជាងគេនោះឡើយ។
ត្រូវចាំថា មនុស្សមួយចំនួនធំ គឺចាំតែមើលយើងខាតបង់ និងបរាជ័យតែប៉ុណ្ណោះ មនុស្សមួយចំនួនទៀត ចាំតែសើចចំអក និងមើលបំណាំយើងតែប៉ុណ្ណឹង មិនមាននរណាម្នាក់ដែលល្អនឹងយើងអស់ពីចិត្តថ្លើម ដូចយើងខ្លួនឯងនោះឡើយ។
ធ្វើអ្វី គិតអ្វី គប្បីផ្ដល់ក្ដីសង្ឃឹម និងកម្លាំងចិត្តឱ្យខ្លួនឯងឱ្យបានច្រើន ជាជាងរង់ចាំឱ្យអ្នកដទៃ គេមកជួយ ឬផ្ដល់សង្ឃឹមឱ្យយើង ធ្វើឱ្យខ្លួនឯងមានក្ដីសុខឱ្យបានច្រើន កុំចាំឱ្យអ្នកណាមកផ្ដល់ក្ដីសុខឱ្យយើង។ ត្រូវដឹងថា មានតែយើងខ្លួនឯងប៉ុណ្ណោះ ដែលអាចជួយខ្លួនឯងបានច្រើនបំផុត និអាចផ្ដល់ក្ដីសុខឱ្យខ្លួនឯងបានច្រើនជាងគេ៕
អត្ថបទ ៖ ភី អេក
ក្នុងស្រុករក្សាសិទ្ធ
ព័ត៌មានថ្មីៗ
