ចង្រៃមែន! រូបចំលាក់ជាប់ជញ្ជាំងប្រាសាទនគរបាជ័យ ត្រូវជនអប្រិយមិនស្គាល់មុខគូស និងផាត់ក្រែម នេះជាការប្រមាថស្នាដៃបុព្វបុរសដែលមិនអាចអត់ឱនបាន (មានវីដេអូ)
ប្រាសាទនគរបាជ័យ គឺជាប្រាសាទបុព្វបុរសខ្មែរ ស្ថាបនាដោយព្រះមហាវីរក្សត្រព្រះបាទជ័យវរ្ម័នទី៧ នាសតវត្សទី១៣ តាមលំនាំរចនាបថបាយ័ន។ ដោយនៅក្នុងបរិវេណប្រាសាទមានសសរពេជ្រខ្ពស់ៗ ឈរទប់ទ្រផ្ដែរប្រាសាទយ៉ាងរឹងមាំរីឯទ្វារទាំងបួនទិសរបស់ប្រាសាទដែលអមដោយជញ្ជាំងទាំងឡាយក៏នៅរឹងមាំល្អគ្មានការរង្គោះរង្គើឡើយដើម្បីឧទ្ទិសដល់ព្រះពុទ្ធសាសនា និងព្រហ្មញ្ញសាសនា ។
រហូតមកដល់បច្ចុប្បន្នស្ថានភាពប្រាសាទនេះគឺនៅរឹងមាំល្អណាស់ សម្រាប់ការទស្សនាកម្សាន្ត ហើយក៏បន្សល់ទុកនូវផ្ទាំងសិលាចារិកក៏ដូចជាចម្លាក់នានាស្ថិតនៅក្នុងលំនាំដើមទាំងអស់ ។ តែគួរឱ្យសោកស្តាយថ្មីៗនេះមានជនអនាមិកបានចូលលួចគូសក្រែ លើជញ្ជាំងដែលជាទង្វើមួយដែលប្រមាថដល់ស្នាដៃដូនតាផងដែរ។
តាមរយៈគណនីហ្វេសប៊ុក យស ស៊ីថា បានរៀបរាប់ថា៖ « ប្រាសាទនគរបាជ័យ (កសាងដោយព្រះបាទជ័យវរ្មន័ទី៧)
រូបចំលាក់ជាប់ជញ្ជាំងត្រូវបានជនមិនស្គាល់មុខគូសនិងផាត់ក្រែមអោយ នេះជាកាប្រមាថស្នាដៃបុព្វបុរសនិងជាទង្វេីរដ៏អវិជ្ជាមួយដែលគួរគប្បីធ្វេីទាល់តែសោះ សូមពុកម៉ែបងប្អូនទាំងអស់គ្នាចូលរួមថែរក្សាការពារកេរតំណែលរបស់បុព្វបុរសទាំងអស់គ្នា។
២៦ មករា ឆ្នាំ២០២០ »។
ដូច្នេះសូមមន្ទីរវប្បធម៌ និងក្រសួងពាក់ព័ន្ធជួយមើលការខុសត្រូវ ចាប់ជនដៃដល់មកផ្តន្ទាទោសជាការព្រមាន និងពង្រឹងការយាមកាមថែរក្សាផង ព្រោះនេះជាប្រាសាទស្នាដៃបុព្វបុរសខ្មែរដ៏មានតម្លៃថ្លៃថ្លា មិនអាចប្រមាថបាននោះឡើយ។
សូមបញ្ជាក់ផងដែរថា ប្រាសាទនគរបាជ័យ មានទីតាំងស្ថិតនៅក្នុងខេត្តកំពង់ចាមចម្ងាយ២គ.ម ពីទីរួមខេត្តកំពង់ចាម និងមានចម្ងាយសរុប១២២គ.ម ពីរាជធានីភ្នំពេញ ៕
សូមទស្សនារូបភាព និងវីដេអូខាងក្រោមនេះ ៖
ព័ត៌មានថ្មីៗ
