Riana ជើងឯក Asia’s Got Talent ពេលនេះចេញខ្សែភាពយន្តព្រឺព្រួច គ្រាន់តែ Trailer ញាក់សាច់
The Sacred Riana ដែលជារហ័សនាមនិងមានឈ្មោះពិតហៅថា Marie Antoinette Riana GraharanI គឺជានារីមានវ័យ ២៧ ឆ្នាំ ជនជាតិឥណ្ឌូណេស៊ីមួយរូប ដែលកំពុងមានឈ្មោះបោះសំឡេងតាមរយៈការបញ្ចេញសមត្ថភាពនៅលើឆាកព្រឹត្តិការណ៍ធំៗជាច្រើន ទាក់ទិននឹងការប្រើប្រាស់មន្តអាគមនិងជាអ្នកបំភាន់ភ្នែកដ៏ពូកែមួយរូប ហើយឈុតឆាកភាគច្រើនរបស់នាងគឺសុទ្ធសឹងលាយឡំភាពព្រឺព្រួច ល្មមឲ្យអ្នកមើលភ័យតក់ស្លុតជាខ្លាំង។
Riana ចាប់ផ្តើមល្បីខ្លាំងនៅក្នុងកម្មវិធី Asia's Got Talent រដូវកាលទីពីរ ដែលកាលនោះនឹងឈ្នះជើងឯកកាលពីចុងឆ្នាំ ២០១៧។ ឈានទៅតតាំងនៅ America's Got Talent ស្រ្តីកើតនៅទីក្រុងចាកាតារូបនេះ បានឆ្លងដល់វគ្គ ៨ រូបចុងក្រោយកាលពីឆ្នាំ ២០១៨។
អ្វីដែលពិសេសសម្រាប់បងប្អូនអ្នកនិយមគាំទ្រនិងចូលចិត្តទស្សនាភាពយន្តបែបព្រឺព្រួចគឺខ្សែភាពយន្តមានចំណងជើង "The Sacred Riana" នឹងមានចាក់ផ្សាយនៅក្នុងប្រទេសកម្ពុជានៅថ្ងៃទី ២១ កុម្ភៈ ឆ្នាំ ២០២០ នេះ។
នៅលើបណ្តាញសង្គមយើងឃើញយុវវ័យបានធ្វើការចែកចាយ (Share) ជាច្រើនពាន់នាក់ ពោលគឺសង្ឃឹមថារឿងនេះទំនងជានឹងផ្ទុះខ្លាំងនៅខែខាងមុខជាក់ជាមិនខាន៕
ទស្សនាវីដេអូខាងក្រោម៖
ព័ត៌មានថ្មីៗ
