បើបានទៅដល់កែប កុំភ្លេចហួសទៅភ្លក់កាហ្វេលើភ្នំផង ទំនងអស់ស្ទះ បានគន់គយទេសភាពម៉ាអេម
ជាធម្មតាការទទួលទានកាហ្វេ មនុស្សបច្ចុប្បន្នរមែងតែមានទម្លាប់ចូលតាមបណ្តាហាងទំនើបៗមិនថាតែអ្នករស់នៅតាមទីរួមខេត្តឬរាជធានីភ្នំពេញ។ ចុះលោកអ្នកធ្លាប់គិតចង់ផ្លាស់ប្តូរបរិយាកាស មកភ្លក់កាហ្វេ គយគន់ធម្មជាតិដែរឬទេ?
បើយោងតាមគណនីហ្វេសប៊ុក Visal Rottanak Keo បានណែនាំឲ្យស្គាល់កន្លែងប្លែកមួយគឺមានចម្ងាយប្រមាណ ២៣ គីឡូម៉ែត្រពីទីក្រុងកំពុត ដែលស្ថិតនៅក្រុងកែប ហើយក្នុងកម្មវិធីផែនទី (Maps) លើស្មាតហ្វូនអ្នកអាចស្វែងរកដោយវាយពាក្យ 'Led Zep Cafe'។
បរិយាកាសនៅទីនោះគឺពិតជាពិសេសមែនទែន នៅជុំវិញខ្លួនរុំព័ទ្ធដោយព្រៃពណ៌ខៀវស្រងាត់ ជាមួយបរិយាកាសស្ងាត់ជ្រងំនៅលើភ្នំ ដែលញាំងឲ្យចក្ខុអាចគយគន់ចាប់យកទេសភាពស្រស់ស្អាតជាច្រើននៅខាងក្រោម។ លោកអ្នកអាចទំនាក់ទំនងលេខទូរសព្ទហាងនៅទីនោះបាន តាមរយៈលេខ ០១០ ៣១១ ៧១២។
បញ្ជាក់៖ ពេលទៅដើរកម្សាន្ត សូមជួយថែរក្សាបរិស្ថាបនទាំងអស់គ្នាផង! ចុចទីនេះដើម្បីស្វ័យប្រវត្តិទៅទីតាំង Led Zep Cafe ក្នុងផែនទី https://goo.gl/maps/aqWTJpKfduSv6VN67
ប្រភព៖ Visal Rottanak Keo
ព័ត៌មានថ្មីៗ
