តោះត្រៀមៗ! ពិព័រណ៍សៀវភៅកម្ពុជា លើកទី៨ នឹងមកដល់ចុងឆ្នាំ ២០១៩ នេះហើយ!
ភ្នំពេញ៖ ពិព័រណ៍សៀវភៅកម្ពុជា ជាព្រឹត្តិការណ៍ដ៏ធំប្រចាំឆ្នាំ ដែលមានកម្មវិធីយ៉ាងច្រើន ហើយក្រោយពីទទួលបានការគាំទ្រយ៉ាងខ្លាំង ចំនួន៧លើក កន្លងមក ក្រុមការងារពិព័រណ៍សៀវភៅកម្ពុជា បានប្រកាសរៀបចំពិព័រណ៍សៀវភៅកម្ពុជាលើកទី៨។
ពិព័រណ៍សៀវភៅកម្ពុជា លើកទី៨ បានប្រកាសរៀបចំហើយ នេះបើតាមទំព័រផ្លូវការរបស់កម្មវិធី Cambodia Book Fair បានប្រកាសថា ព្រឹត្តិការណ៍ ពិព័រណ៍សៀវភៅកម្ពុជា លើកទី ៨ នឹងប្រារព្វធ្វើចាប់ពីថ្ងៃទី ១៣-១៥ ខែធ្នូ ឆ្នាំ២០១៩ នៅបណ្ណាល័យជាតិ។ ពិព័រណ៍សៀវភៅឆ្នាំនេះ ស្ថិតក្រោមពាក្យស្លោក «ផ្ដើមពីក្ដីស្រមៃ ដៃកាន់សៀវភៅ» នឹងស្វាគមន៍ប្រិយមិត្តដែលចូលចិត្ត និងនិយមការអាន ឱ្យមកចូលរួមឱ្យបានកោះករ ដើម្បីទទួលយកនូវកម្មវិធីនេះផងដែរ។ មិនតែប៉ុណ្ណោះ ព្រឹត្តិការណ៍លើកនេះ ក៏មានរៀបចំស្តង់រហូតដល់ ១៣០ ស្តង់ និងមានការចូលរួមពីតារាចម្រៀងជាច្រើនដួងផងដែរ។
សម្រាប់ព័ត៌មានបន្ថែមពីព្រឹត្តិការណ៍ ពិព័រណ៍សៀវភៅលើកទី ៨ សូមចូលទៅកាន់ទំព័រ Cambodia Book Fair ។
ព័ត៌មានថ្មីៗ
