ចម្រៀងថ្ងៃមង្គល ពីតារាចម្រៀងស្រីបីដួងនៃរស្មីហង្សមាស សុទ្ធតែបង្កប់អត្ថន័យជ្រាលជ្រៅ!
ភ្នំពេញ៖ ថ្ងៃមង្គល ជាថ្ងៃដែលមនុស្សគ្រប់គ្នាប្រាថ្នាចង់បាន ហើយការដែលបង្កើតអនុស្សាវរីយមួយនៅថ្ងៃនោះ គឺជារឿងដ៏សំខាន់ផងដែរ ខណៈគូស្នេហ៍អាច រក្សាវាជាកាដូរដ៏មានតម្លៃមួយ។ ជាក់ស្ដែងយើងឃើញតារាចម្រៀងស្រីបីដួង ពីផលិតកម្មរស្មីហង្សមាស ដែលបានរៀបអាពាហ៍ពិពាហ៍រួច សុទ្ធតែមានបទចម្រៀង សម្រាប់ ថ្ងៃពិសេសរបស់ខ្លួន ដែលអត្ថន័យនៃបទចម្រៀងទាំងនោះ សុទ្ធតែបង្កប់អត្ថន័យផ្អែមល្ហែម និងគួរឱ្យរំភើបផងដែរ។
១. អ្នកនាង សុគន្ធ និសា «ជីវិតតែមួយ»
បទចម្រៀង ជីវិតតែមួយ របស់អ្នកនាងសុគន្ធ និសា ត្រូវបាននិពន្ធឡើងជាពិសេសសម្រាប់ថ្ងៃមង្គលរបស់អ្នកនាង នៅថ្ងៃទី ១ខែធ្នូ ២០១៧ ជាមួយស្វាមី លោក ចៅ សម្បត្តិ ដែលអត្ថន័យចម្រៀងនេះ ពិតជាផ្អែមល្ហែម មែនទែន។
២. អ្នកនាង ឱក សុគន្ធកញ្ញា «ស្រលាញ់»
បទចម្រៀង ស្រលាញ់ របស់អ្នកនាង ឱក សុគន្ធកញ្ញា ក៏បាននិពន្ធជាពិសេសក្នុងថ្ងៃមង្គលរបស់អ្នកនាងជាមួយស្វាមី លោក អ៊ឹង សុខលី នៅថ្ងៃទី១៦ ខែឧសភា ២០១៩ នេះផងដែរ ដែលអត្ថន័យស្ដាប់ហើយពិតជារំភើបជំនួសគូស្វាមីភរិយានេះមែនទែន។
៣. អ្នកនាង សួស វីសា «យើងតែមួយ»
បទចម្រៀង យើងតែមួយ ពីអ្នកនា សួស វីសា ក៏ជាបទចម្រៀងដ៏មានអត្ថន័យ ជ្រាលជ្រៅផងដែរ ដែលបានចេញផ្សាយជាពិសេសនៅថ្ងៃមង្គលរបស់អ្នកនាង និងស្វាមី លោក ប៊ុនថុល ប៊ុនថង (Tommy) នៅថ្ងៃទី ២៩វិច្ឆិកា ២០១៩ នេះ ហើយទំនុកច្រៀងពិតជាសម្រិតសម្រាងយ៉ាងពិសេស ផងដែរ៕
ព័ត៌មានថ្មីៗ
