U22កម្ពុជាមានឱកាសខ្ពស់ក្នុងឡើងវគ្គ៤ក្រុមចុងក្រោយស៊ីហ្គេម២០១៩ក្រោយម្ចាស់ផ្ទះហ្វីលីពីនឈ្នះម៉ាឡេស៊ី
ក្រុមជម្រើសជាតិកម្ពុជាវ័យក្រោម២២ឆ្នាំមានឱកាសខ្ពស់ក្នុងការឡើងទៅវគ្គពាក់កណ្ដាលផ្ដាច់ព្រ័ត្រព្រឹត្តិការណ៍ SEA Games 2019 ជាលើកដំបូងក្នុងប្រវត្តិសាស្រ្តរបស់ខ្លួន បន្ទាប់ពីលទ្ធផលថ្ងៃនេះបានបង្ហាញឲ្យដឹងរួចទៅហើយនោះ។
សម្រាប់ការប្រកួតនៅថ្ងៃនេះក្នុងពូល A ដែលមានកម្ពុជានៅក្នុងពូលនេះផងដែរនោះ គឺក្រុម U22មីយ៉ាន់ម៉ាឈ្នះ U22ទីម័រខាងកើត៣ទល់១ខណៈដែលម្ចាស់ផ្ទះហ្វីលីពីនឈ្នះ U22ម៉ាឡេស៊ី១ទល់០។ លទ្ធផលបែបនេះបានធ្វើឲ្យក្រុម U22មីយ៉ាន់ម៉ាឡើងឈរកំពូលតារាងមាន៧ពិន្ទុឆ្លងកាត់៣ប្រកួតឈ្នះ២និងស្មើមួយនៅសល់១ប្រកួតក្នុងដៃត្រូវជួបក្រុម U22កម្ពុជា។
ចំណែកកម្ពុជាធ្លាក់មកលេខ២វិញមាន៤ពិន្ទុក្រោយឈ្នះ១និងស្មើមួយមាន២ប្រកួតក្នុងដៃដែលត្រូវប៉ះមីយ៉ាន់ម៉ានិងម៉ាឡេស៊ី។ ម្ចាស់ផ្ទះហ្វីលីពីនឡើងមកលេខ៣បន្ទាប់ពីឆ្លងកាត់៣ប្រកួតឈ្នះ១ស្មើ១ និងចាញ់១នៅសល់មួយប្រកួតត្រូវប៉ះ U22ទីម័រខាងកើត។ សម្រាប់ឱកាសកម្ពុជាមានច្រើន ប្រសិនបើក្នុងចំណោម២ប្រកួតឈ្នះមួយប្រកួត និងស្មើមួយប្រកួត ប៉ុន្តែវាជំនួបតឹងតែងខ្លាំង។
ព័ត៌មានថ្មីៗ
