មោទកភាពណាស់! ការសម្តែងដ៏អស្ចារ្យ និងព្រឺសម្បុរខ្លាំង « ទង់ជាតិខ្មែរ »ពីក្រុមតូច ត្រូវបានព្រះករុណាជាអម្ចាស់ជីវិតលើត្បូងសព្វព្រះរាជហប្ញទ័យខ្លាំង (មានវីដេអូ)
ភ្នំពេញ៖ ក្រុមតូច ឬ Small World Small Band គឺជាក្រុមចម្រៀងមួយដែលបណ្តុំទៅដោយកូនខ្មែរមានសមត្ថភាពខុសៗគ្នាទៅតាមជំនាញរៀងខ្លួន ទាំងការច្រៀង ការលេងភ្លេង ការនិពន្ធបទភ្លេង និងទំនុកច្រៀងជាដើម ជាពិសេសបទនីមួយៗសុទ្ធតែជាស្នាដៃកូនខ្មែរ បង្កប់នូវការអប់រំ និងការស្រលាញ់លើកតម្កើងជាតិផងដែរ។
នៅក្នុងនោះ កាលពិថ្ងៃទី ២ ខែវិច្ឆិកា ឆ្នាំ ២០១៩ ក្រុមតូច ឬ Small World Small Band បានឡើងសម្តែងនៅក្នុងកម្មវិធីដ៏ពិសេសមួយ នោះគឺតន្រ្តីសប្បុរសធម៌ តូយ៉ូតា ក្លាសុិក លើកទី៣០ ដែលប្រព្រឹត្តិឡើងនៅសាលសន្និសិទ ចតុមុខ។ តែអ្វីដែលកាន់តែពិសេសអស្ចារ្យនោះ កម្មវិធីមួយនេះ ត្រូវបានព្រះករុណានរោត្តមសីហមុនី ព្រះមហាក្សត្រនៃព្រះរាជាណាចក្រកម្ពុជាយាងអញ្ជើញជាកិត្តិយសទៀតផង ដោយការសម្តែងបទ « ទង់ជាតិខ្មែរ » ពីសំណាក់ក្រុមតូចបានធ្វើឱ្យព្រះករុណាជីវិតតម្កល់លើត្បូងសព្វព្រះរាជហប្ញទ័យជាខ្លាំង។
គួរឱ្យដឹងផងដែរថា «បទទង់ជាតិខ្មែរ » ដែលជាបទនិពន្ធថ្មីរបស់ក្រុមតូច បានរៀបរាប់ពីដែនដីខ្មែរ រួមទាំងកេរ្តិ៍ឈ្មោះនៃសិល្បៈវប្បធម៌ពង្សាវតាខ្មែរ ដ៏ត្រចះត្រចង់ក្រោមម្លប់បារមីព្រះមហាក្សត្រ ដោយការប្រគំតន្ត្រីនេះមានអមទៅដោយភ្លេងបុរាណខ្មែរ ក្រុមភ្លេងបរទេសយ៉ាងពីរោះរណ្តំ មើលទៅរំភើបស្ញប់ស្ញែងគួរឱ្យព្រឺសម្បុរបំផុត។
ដើម្បីឱ្យកាន់តែជ្រាបច្បាស់សូមទស្សនាវីដេអូខាងក្រោម ដែលមានប្រភពពី កញ្ញា Mean Sonyta ៖
ព័ត៌មានថ្មីៗ
