ឡូយកប់! មិនត្រឹមតែអាចរាំបទ BTS ឡូយស្ទើរដូចម្ចាស់ដើម ក្រុមរាំខ្មែរដ៏ល្បីមួយនេះ បង្ហើរសំនៀង Cover បទកូរ៉េ LOVE SCENARIO របស់ IKon ឡើងពិរោះមិនចាញ់តារាអាជីព! (មានវីដេអូ)
ភ្នំពេញ៖ មួយរយៈមុន ក្រុមរាំខ្មែរមួយក្រុមមានឈ្មោះថា Arrow Plas បានអង្រួនអារម្មណ៍អ្នកលេងបណ្តាញសង្គមហ្វេសប៊ុកម្តងរួចទៅហើយ ព្រោះតែការបញ្ចេញវីដេអូក្បាច់រាំ Cover បទកូរ៉េដ៏ល្បីរបស់ BTS មានចំណងជើងថា Boy With Love ស្ទើរតែដូចម្ចាស់ដើម ជាពិសេសគឺការតុបតែងខ្លួនមានភាពស្រស់ស្អាត មើលមួយភ្លែតស្មានតែជនជាតិកូរ៉េ។
ពេលនេះ Arrow Plas បានត្រលប់មកវិញហើយ ដោយម្តងនេះមិនត្រឹមតែបញ្ចេញជាក្បាច់រាំនោះទេ តែពេលនេះក្រុមរាំដ៏ល្បីមួយនេះ ថែមទាំងច្រៀង Cover ចម្រៀងមួយបទយ៉ាងពិរោះមួយបទរបស់ IKon មានចំណងជើងថា LOVE SCENARIO ។
តាមរយៈបទចម្រៀង និងការថតវីដេអូនេះ បានធ្វើឱ្យអ្នកគាំទ្រនឹកស្មានមិនដល់ថា ក្រុមរាំដែលមានសមត្ថភាពការបញ្ចេញក្បាច់រាំអន្តរជាតិ និងកូរ៉េមួយក្រុមនេះ បែរជាអាចបញ្ចេញសំនៀងយ៉ាងពិរោះបែបនេះសោះ ថែមទាំងការថតវីដេអូចម្រៀងឡើងជក់ចិត្តទៀតផង៕
បញ្ជាក់៖ សូមជម្រាបផងដែរថា នៅថ្ងៃទី ០៥ ខែកក្កដា ឆ្នាំ ២០១៩ នេះ ក្រុមរាំល្បី Arrow Plas នឹងមានវត្តមានការសម្តែងពិសេសនៅរោងភាពយន្តទំនើប Prime Cineplex សុវណ្ណា ចាប់ពីម៉ោង ៤ល្ងាចតទៅ នៅក្នុងកម្មវិធី « ព្រឹត្តិការណ៍ទស្សនាកុនជុំគ្នាជាមួយគ្រួសារពោតផ្ទុះលើកទី២ » កុំភ្លេចទៅទស្សនា និងចូលរួមទាំងអស់គ្នាណា!
ចង់ដឹងថាក្រុម Arrow Plas មានវីដេអូដ៏ជក់ចិត្ត និងចម្រៀងពិរោះបែបណា តោះ! មកទស្សនាវីដេអូចម្រៀងនេះទាំងអស់គ្នា៖
ព័ត៌មានថ្មីៗ
