ត្រីជាអាហារសម្បូរជីវជាតិ ប៉ុន្តែក្នុងអំឡុងពេលទាំង៥នេះ អ្នកមិនគួរទទួលទានជាដាច់ខាត
ត្រីមានសារធាតុចិញ្ចឹមសំខាន់ៗជាច្រើនដែលល្អសម្រាប់រាងកាយ។ តែទោះបីជាយ៉ាងណាក៏ដោយ មានពេលខ្លះដែលអ្នកត្រូវកំណត់ការទទួលទានត្រី ដើម្បីធានាសុខភាពរបស់អ្នក ជាពិសេសនៅក្នុងអំឡុងពេលទាំង៥នេះ អ្នកមិនគួរទទួលទានត្រីឡើយ ជៀសវាងប៉ះពាល់ដល់សុខភាព៖
១.ពេលឃ្លាន៖ នៅពេលដែលឃ្លាន អ្នកដែលមានជំងឺរលាកសន្លាក់គួរតែជៀសវាងការបរិភោគត្រី។ ហេតុផលគឺថា purine នៅក្នុងត្រីអាចបណ្តាលឱ្យអាស៊ីតអ៊ុយរិកក្នុងរាងកាយកើនឡើងយ៉ាងឆាប់រហ័សដែលបណ្តាលឱ្យខូចខាតជាលិកា និងបណ្តាលឱ្យរលាកសន្លាក់។ ត្រីគួរប្រើរួមផ្សំជាមួយអាហារផ្សេងទៀតដូចជា បន្លែបៃតង បាយ... ដើម្បីឱ្យមានតុល្យភាពអាហារូបត្ថម្ភ ជៀសវាងការឡើងជាតិ purine ក្នុងរយៈពេលដ៏ខ្លី ដែលប៉ះពាល់ដល់សុខភាព។
២.ពេលលេបថ្នាំក្អក៖ អ្នកដែលក្អកគួរតែកំណត់ការបរិភោគត្រី ជាពិសេសត្រីសមុទ្រ ដើម្បីជៀសវាងហានិភ័យនៃអាឡែស៊ី ធ្វើឱ្យការក្អកកាន់តែធ្ងន់ធ្ងរ។ មូលហេតុគឺដោយសារតែត្រីមានផ្ទុកអ៊ីស្តាមីនច្រើន។ សារធាតុនេះច្រើនពេកក្នុងរាងកាយនឹងប៉ះពាល់ដល់ចរន្តឈាម ហើយនាំអោយមានអាឡែស៊ីអ៊ីស្តាមីន ជាមួយនឹងរោគសញ្ញាមិនល្អ។ ថ្នាំក្អកមានផ្ទុកសារធាតុ monoamine inhibitors ដូច្នេះប្រសិនបើអ្នកប្រើថ្នាំក្អក អ្នកមិនគួរបរិភោគត្រីសមុទ្រ នោះទេ ព្រោះជម្ងឺអាចនឹងកាន់តែធ្ងន់ធ្ងរ។ លើសពីនេះទៀត ថ្នាំអង់ទីប៊ីយោទិចមួយចំនួន ថ្នាំប្រឆាំងនឹងសម្ពាធឈាម ថ្នាំប្រឆាំងនឹងការរលាក ថ្នាំប្រឆាំងនឹងជំងឺធ្លាក់ទឹកចិត្ត និងថ្នាំសម្រាប់ជំងឺផាកឃីនសុន ក៏មានផ្ទុកសារធាតុ monoamine ដែលមិនគួរត្រូវបានផ្សំជាមួយត្រី។ ខណៈពេលដែលប្រើថ្នាំទាំងនេះ អ្នកគួរតែកំណត់ការទទួលទានត្រី ដើម្បីឲ្យថ្នាំអាចដំណើរការបានល្អបំផុត។
៣.នៅពេលដែលអាឡែស៊ី៖ នៅពេលដែលអ្នកមានអាឡែស៊ី វាជាការល្អបំផុតក្នុងការកំណត់ការទទួលទានអាហារសមុទ្រ និងត្រី។ អាហារទាំងនេះអាចធ្វើឱ្យអាឡែហ្ស៊ីកាន់តែធ្ងន់ធ្ងរឡើង ជាមួយនឹងរោគសញ្ញាដូចជា កន្ទួល រមាស់ ក្អួត បេះដូងលោតញាប់... មូលហេតុត្រូវបានគេជឿថា អ៊ីស្តាមីននៅក្នុងត្រីនៅពេលចូលទៅក្នុងរាងកាយនឹងចូលរួមក្នុងការរំលាយអាហារ ចរាចរឈាម និងបណ្តាលឱ្យមានប្រតិកម្មអាលែហ្សីអ៊ីស្តាមីន ធ្វើឱ្យអាលែកហ្ស៊ីដែលមានស្រាប់កាន់តែធ្វើទុក្ខ។
៤.នៅពេលមានការហូរឈាម៖ ប្រសិនបើអ្នកមានបញ្ហាហូរឈាម ដូចជាឈាមច្រមុះញឹកញាប់ ឬ ហូរឈាមខាងក្នុង អ្នកគួរតែចៀសវាងការបរិភោគត្រី។ មូលហេតុគឺត្រីមានផ្ទុកអាស៊ីត eicosapentaenoic (EPA) ដែលអាចរារាំងការប្រមូលផ្តុំប្លាកែតក្នុងរាងកាយ ធ្វើឱ្យការហូរឈាមកាន់តែធ្ងន់ធ្ងរ។
៥.នៅពេលព្យាបាលជម្ងឺក្រិនថ្លើម៖ អ្នកដែលមានជម្ងឺក្រិនថ្លើមច្រើនតែមានប្លាកែតទាប។ នេះអាចប៉ះពាល់ដល់ដំណើរការនៃការកកឈាម។ ដូច្នេះហើយ ដើម្បីកុំឱ្យបញ្ហាហូរឈាមកាន់តែធ្ងន់ធ្ងរ អ្នកដែលកំពុងព្យាបាលជម្ងឺក្រិនថ្លើម គួរតែកំណត់ការបរិភោគត្រី ជាពិសេសត្រីសមុទ្រ ព្រោះវាមានផ្ទុកសារធាតុកកឈាមច្រើន។ ប្រសិនបើការហូរឈាមខាងក្នុងកើតឡើង ឬ ហូរឈាមពិបាកបញ្ឈប់ ជីវិតរបស់អ្នកអាចនឹងមានគ្រោះថ្នាក់។ លើសពីនេះ ប្រសិនបើអ្នកបរិភោគត្រីសមុទ្រ ដូចជាត្រីសាឌីន ត្រីសាលម៉ុន ត្រីធូណា... ថ្លើមក៏ត្រូវប្រឹងប្រែងធ្វើការច្រោះជាតិពុលចេញ ដែលធ្វើឲ្យស្ថានភាពកាន់តែធ្ងន់ធ្ងរ៕
ព័ត៌មានថ្មីៗ
