បុរាណបានបង្រៀនថា មានរឿង៣យ៉ាងដែលអ្នកមិនគួរធ្វើចំពោះអ្នកដទៃ បើមិនចង់បាត់បង់លាភ និងលុយកាក់
ក្នុងជីវិតយើងមិនតែងតែជួបប្រទះរឿងដូចដែលយើងចង់បាននោះទេ ដូច្នេះទោះជាយើងធ្វើអ្វីក៏ដោយ យើងត្រូវគិតពីការរក្សាពរជ័យរបស់ខ្លួន តាមរយៈការធ្វើអំពើល្អ មិនលោភលន់ មិនបំពានលើអ្នកដទៃ និងគួរគប្បីកុំធ្វើរឿង៣យ៉ាងខាងក្រោមនេះទៅកាន់មនុស្សជុំវិញខ្លួន បើមិនចង់អោយអ្នកដទៃស្អប់ និងបាត់បង់លាភសំណាងរបស់ខ្លួនឯង៖
១.កុំសើចចម្អកចំណុចខ្វះខាតអ្នកដទៃ៖ ពិភពលោករបស់មនុស្សម្នាក់ៗគឺមិនដូចគ្នាទេ មនុស្សម្នាក់ៗមានចំណុចខ្លាំង និងចំណុចខ្សោយរៀងៗខ្លួន មនុស្សម្នាក់ៗជួបប្រទះដំណាក់កាលជីវិតក៏ខុសៗគ្នាដែរ។ មនុស្សដែលមានសីលធម៌នឹងមិនលេងសើចចម្អកចំពោះចំណុចខ្វះខាតរបស់អ្នកដទៃឡើយ។ ការសើចចំអកឱ្យអ្នកដទៃ ធ្វើឱ្យបាត់បង់នូវពរជ័យរបស់ខ្លួនឯង ប្រៀបដូចបំផ្លាញវាសនាខ្លួនឯង ។ ការសើចចម្អកឱ្យអ្នកដ៏ទៃនឹងធ្វើឱ្យអ្នកដទៃឈឺចាប់ និងធ្វើឱ្យអ្នកក្លាយជាមនុស្សគ្មានតម្លៃ។ ក្នុងជីវិតគ្មាននរណាដឹងថាអនាគតនឹងនាំមកនូវអ្វីទេ គ្មាននរណាដឹងថាថ្ងៃស្អែកនឹងមានការផ្លាស់ប្តូរយ៉ាងណាឡើយ។ ការសើចចម្អកឱ្យអ្នកដទៃគឺជាអំពើឃោរឃៅ ដូច្នេះ អ្នកមិនគួរមើលងាយអ្នកដទៃនោះទេ ព្រោះសូម្បីខ្លួនអ្នកផ្ទាល់ក៏មានចំណុចខ្វះខាតមិនតិចដែរ។ ដូច្នេះការមិនសើចចម្អកដាក់អ្នកដទៃក៏ជាវិធីសប្បុរសមួយក្នុងការបង្ហាញចិត្តសប្បុរសរបស់អ្នកផងដែរ។
២.កុំត្អូញត្អែរអំពីភាពក្រីក្រ៖ មនុស្សដែលមានជោគវាសនាសម្បូរបែបនឹងមិនត្អូញត្អែរសូម្បីតែនៅពេលដែលពួកគេជួបប្រទះនឹងភាពក្រីក្រក៏ដោយ។ មនុស្សបុរាណបាននិយាយថា កាលណាយើងត្អូញត្អែរអំពីភាពក្រីក្រ និងកាន់តែខ្វល់ខ្វាយពីភាពក្រីក្រ ជីវិតយើងនឹងកាន់តែធ្លាក់ចុះ។ អ្នកកាន់តែត្អូញត្អែរ អ្នកនឹងកាន់តែក្រដូចគ្នា។ នៅពេលអ្នកត្អូញត្អែរអំពីភាពក្រីក្រ វាមានន័យថាអ្នកមានតែភាពក្រីក្រនៅក្នុងចិត្តរបស់អ្នក។ នៅពេលដែលអ្នកមិនពេញចិត្តនឹងជីវិត អ្នកនឹងតែងតែមានចិត្តអាត្មានិយម គិតតែពីខ្លួនឯង ហើយតែងតែគិតថាខ្លួនឯងមានទុក្ខ ទើបអ្នកមិនមានចិត្តទូលាយក្នុងការផ្តល់ចិត្តសប្បុរសដល់អ្នកដទៃ។ នោះនឹងធ្វើឱ្យជីវិតរបស់អ្នកកាន់តែសោកសៅ និងអាប់អួរកាន់តែខ្លាំង។
៣.កុំឈ្លោះជាមួយអ្នកដទៃ៖ រឿងត្រូវនិងខុសក្នុងជីវិតមនុស្សគឺមានជាហូរហែរគ្មាបទីបញ្ចប់នោះទេ។ ដូច្នេះកុំខ្ជះខ្ជាយពេលវេលាឈ្លោះគ្នាដោយគ្មានន័យ។ ជាពិសេសនៅក្នុងគ្រួសារមិនគួរណាមានការឈ្លោះប្រកែកគ្នានោះទេ ក្នុងនាមជាគ្រួសារតែមួយគួរតែធ្វើជាចង្កឹះមួយបាច់ដែលចេះរួបរួមសាមគ្គីគ្នា។ បុរាណបានពោលថា បើគ្រួសារមានភាពសុខដុម នោះអ្វីៗនឹងរីកចម្រើនឡើង ។ នៅពេលដែលគ្រួសារមួយរួបរួមសេចក្តីស្រឡាញ់ អ្វីៗមានការអធ្យាស្រ័យអោយគ្នា នោះជីវិតមនុស្សម្នាក់ៗនឹងមានក្តីសុខគ្រប់ពេលវេលា។ ក្នុងជីវិត ការរៀនគ្រប់គ្រងអារម្មណ៍របស់ខ្លួនគឺជាកម្រិតមួយនៃការបណ្តុះគំនិតអោយកាន់តែមានភាពចាស់ទុំ។ ពេលអ្វីៗមិនដំណើរទៅមុខ សូមអត់ធ្មត់ នោះអ្នកនឹងមានសំណាងច្រើន ព្រោះបើអ្នកមិនចេះអត់ធ្មត់គឺអាចបង្កគ្រោះមហន្តរាយយ៉ាងធំដល់ខ្លួនឯង និងអ្នកដទៃ។ កំហឹងមិនត្រឹមតែបំផ្លាញទំនាក់ទំនងប៉ុណ្ណោះទេ តែក៏ប៉ះពាល់ដល់សុខភាព ប៉ះពាល់ដល់ផ្លូវចិត្តអោយមានរបួសផងដែរ៕
ព័ត៌មានថ្មីៗ
