កំពង់ភ្លុក លើទឹកដីសៀមរាប ទេសភាពលើផ្ទៃទឹកស្អាតកប់ ដែលមិនអាចមើលរំលងបាន
សៀមរាប៖ នៅខេត្តសៀមរាប ក្រៅពីមានប្រាសាទបុរាណជាច្រើន ក៏មានទីកន្លែងកម្សាន្តជាច្រើនតាមបែបធម្មជាតិ ដែលគួរជាទីរីករាយ គ្រាន់តែមិនសូវមានអ្នកស្គាល់តែប៉ុណ្ណោះ។
ថ្មីៗនេះ កន្លែងកម្សាន្តថ្មីមួយទៀតហើយនៅក្នុងសៀមរាប កំពុងតែស្រូបទាញភ្ញៀវទេសចរជាតិ និងអន្តរជាតិឱ្យមកកម្សាន្តយ៉ាងរីករាយ មានឈ្មោះថា «កំពង់ភ្លុក»។ ដោយទីកន្លែងនេះគឺជាភូមិធម្មជាតិមួយនៅលើទឹក ដែលអាចឱ្យអ្នកទេសចរជិះទូក ឬកាណូតទេសចរណ៍លើផ្ទៃទឹក ទស្សនាទេសភាពលើផ្ទៃទន្លេសាបដែលមានព្រៃលិចទឹក សាលារៀន វត្តអារាម ជម្រកសត្វបក្សី និងកន្លែងបែបធម្មជាតិពិសេសជាច្រើនទៀតលើផ្លូវទឹក។
តាមរយៈគណនីហ្វេសប៊ុកផេក ទឹកដីសៀមរាបអង្គរ បានសរសេររៀបរាប់យ៉ាងកម្អិតថា៖
« ជួយshare ដើម្បីបានស្គាល់រមណីដ្ឋានទេសចរណ៏នៃខេត្តសៀមរាប ស្គាល់កំពង់ភ្លុកអត់? ចង់ជិះទូកលេងនៅកំពង់ភ្លុកទេ? កំពង់ភ្លុកជាភូមិធម្មជាតិ ដែលប្រជាជនសាងសង់ផ្ទះនៅលើ ផ្ទៃទឹកនៃបឹងទន្លេសាបក្នុងខេត្តសៀមរាបនារដូវវស្សាផ្ទៃទឹកបានឡើងប៉ប្រះនឹងដើមរាំងព្រមជាមួយផ្ទះសម្បែង របស់ប្រជាជនបង្កើតបានជាទេសភាពថ្មីមួយទៀតដែលខុសពី រដូវប្រាំងលំនៅឋាន ដែលមានសសរខ្ពស់ៗផុតពីដីដែល ជាទីចាប់អារម្មណ៍របស់ភ្ញៀវទេសចរណ៍ចង់មកទស្សនាទីនេះ កាន់ច្រើនឡើងៗ ពីមួយឆ្នាំទៅមួយឆ្នាំ ។ តំបន់កំពង់ភ្លុកស្ថិតនៅក្នុងទឹកដីភូមិកំពង់ភ្លុក ឃុំកំពង់ភ្លុក ស្រុកប្រាសាទបាគង មានចម្ងាយប្រមាណ១៩គីឡូម៉ែត្រ ពី ខេត្តសៀមរាបដោយយើងអាចជិះកាណូតទៅតាមដងស្ទឹងរលួស ឬទៅតាមកំពង់ថ្កូវក៏បាន។ កំពង់ភ្លុកបណ្តែតខ្លួន នៅលើដីកោះចោលសម្រស់យ៉ាងឆើតឆាយមានផ្ទៃទឹក ព័ទ្ធជុំវិញនៅពេលយើងធ្វើដំណើរទៅដល់ភូមិឋាននេះ ភ្លាមនោះគេនឹងបានឃើញទូកតូចៗដែលអមដោយប្រជាសហគមន៍ និង កាណូទេសចរណ៍ចត តម្រៀបគ្នាជាជួរៗ នៅក្បែរ គ្នារង់ចាំភ្ញៀវ។ ប្រសិនបើលោកអ្នកក្រឡេកមើល ទៅលើផ្ទៃ បឹងនឹងប្រទះភ្នែកឃើញមានទេសភាព ស្រស់បំព្រងណាស់រំលេចដោយ លំនៅស្ថាន សាលារៀន វត្ត អារាម រួមទាំងកសិដ្ឋានចិញ្ចឹម ត្រី កសិដ្ឋានក្រពើ ជាដើម ។ការធ្វើដំណើរទៅកាន់កំពង់ ភ្លុក គឺជាគោលដៅទស្សនាចរណ៍មួយដែលមិនគួរអាក់ខាន ព្រោះនៅទីនោះភ្ញៀវទេសចរជាតិ និង អន្តរជាតិ អាចទស្សនា បានជាមួយផ្ទាំងទស្សនីយភាពប្លែកៗនៃសម្រស់ ធម្មជាតិ និងអាចស្វែងយល់ពីជីវភាពរស់នៅប្រពៃណីទំនៀមទម្លាប់ក៏ដូចជាការប្រកបរបរនេសាទជាលក្ខណៈគ្រួសាររបស់ពលរដ្ឋយើងបានយ៉ាងជក់ចិត្ត ។»
គួរឱ្យដឹងផងដែរថា « កំពង់ភ្លុក » មានទីតាំងនៅក្នុងទឹកដី ភូមិកំពង់ភ្លុក ឃុំកំពង់ភ្លុក ស្រុកប្រាសាទបាគង មានចម្ងាយប្រមាណជា ១៩ គីឡូម៉ែត្រពីទីរួមខេត្តសៀមរាប ដោយយើងអាចជិះកាណូតទៅតាមដងស្ទឹងរលួស ឬ ទៅតាមកំពង់ថ្កូវក៏បាន ឬដើម្បីឱ្យកាន់តែជ្រាបច្បាស់ សូមចុចទៅលើអសយដ្ឋានលើ Google Map: https://goo.gl/maps/5Cs4AqJV7Q7KKpB69 ៕
អត្ថបទដោយ៖ ក្នុងស្រុក
ព័ត៌មានថ្មីៗ
