គ្រួសារមានកូនស្រីច្រើន ម្តាយមានអាយុយឺនយូរ ឪពុកជោគជ័យ ហើយផ្ទះពោរពេញដោយពរជ័យ
សព្វថ្ងៃនេះបុរសនិងនារីមានភាពស្មើគ្នា ស្ត្រីមានឱកាសសិក្សា និងចូលរួមក្នុងវិស័យជាច្រើន និងទទួលបានជោគជ័យជាច្រើន។ គ្រួសារដែលមានតែកូនស្រីក៏មានអត្ថប្រយោជន៍ច្រើនដែរ។ អ្នកវិទ្យាសាស្ត្របានបង្ហាញថា គ្រួសារដែលមានកូនស្រីច្រើនមានសុភមង្គលជាងគ្រួសារដែលមានកូនប្រុសដោយសារតែហេតុផលប៉ុន្មានចំណុចខាងក្រោមនេះ៖
១.កុមារមានសុខភាពល្អ និងជោគជ័យ៖ អ្នកស្រាវជ្រាវមកពីសាកលវិទ្យាល័យ Brigham Young បានរកឃើញថា គ្រួសារដែលមានកូនតែស្រីច្រើនតែមានសុខភាពប្រសើរជាងមុន។ ក្រៅពីនេះ ការមានកូនស្រីជួយមនុស្សម្នាក់ៗឱ្យមានសុខភាពផ្លូវចិត្ត និងការគោរពខ្លួនឯងកាន់តែប្រសើរឡើង។ ស្ថិតិជាច្រើនក៏បង្ហាញដែរថា ការមានបងស្រីជួយការពារពួកគេពីអារម្មណ៍ឯកោ ខ្វះការស្រលាញ់ ក៏ដូចជាមានអារម្មណ៍ខុស អន់ខ្សោយ និងភ័យខ្លាច។ លើសពីនេះ បងប្អូនស្រីក្នុងគ្រួសារនឹងជួយមនុស្សម្នាក់ៗឱ្យក្លាយជាមនុស្សដែលមានចិត្តល្អ ចេះអត់ឱន និងសប្បុរស។ ការស្ទង់មតិដែលធ្វើឡើងដោយអ្នកចិត្តសាស្រ្តជនជាតិអង់គ្លេស បានបង្ហាញថា មនុស្សដែលត្រូវបានធំធាត់នៅក្នុងផ្ទះដែលមានបងស្រីច្បងម្នាក់ ប្អូនៗនឹងមានការតាំងចិត្ត និងឯករាជ្យច្រើនជាងអ្នកដែលធំឡើងជាមួយតែបងប្អូនប្រុស។
២.គ្រួសារកាន់តែមានភាពកក់ក្តៅ និងរីករាយជាងមុន៖ អ្នកវិទ្យាសាស្ត្របញ្ជាក់ថា គ្រួសារភាគច្រើនដែលមានកូនស្រីនឹងសប្បាយចិត្តខ្លាំងបំផុត។ បើប្រៀបធៀបទៅនឹងក្មេងប្រុស ក្មេងស្រីមានភាពទន់ភ្លន់ និងចេះស្តាប់បង្គាប់ជាង។ ដូច្នេះហើយ គ្រួសារដែលមានកូនស្រី ឪពុកម្តាយកម្រមានរឿងតូចចិត្ត ឬ ឈឺក្បាលណាស់ ហើយក៏កម្រមានជម្លោះ និងឈ្លោះប្រកែកគ្នាផងដែរ។ នេះជួយឱ្យគ្រួសារកាន់តែមានភាពចុះសម្រុងគ្នា កាន់តែរីករាយ និងមានសុភមង្គលជាងមុន។
៣.ប៉ាមានទេពកោសល្យ និងជោគជ័យ៖ ការសិក្សាជាច្រើនបង្ហាញថា បើមានកូនស្រីចាប់ពី 2 នាក់ឡើងទៅក្នុងគ្រួសារ ឪពុកនឹងជោគជ័យយ៉ាងងាយទាំងការងារ និងជីវិត។ មូលហេតុគឺដោយសារតែក្មេងស្រីមានទំនោរទៅជិតឪពុកម្តាយ។ កូនស្រីជាញឹកញាប់យកឪពុករបស់ពួកគេធ្វើជាគំរូដ៏ល្អរបស់ពួកគេទាក់ទងនឹងស្តង់ដារកសាងជាមួយមនុស្សគ្រប់គ្នា។ នៅក្នុងក្រសែភ្នែកកូនស្រី ប៉ាគឺជាបុរសដ៏អស្ចារ្យបំផុតក្នុងជីវិតរបស់នាង។ នៅពេលដឹងរឿងនេះ ឪពុកនឹងព្យាយាមផ្លាស់ប្តូរ និងកែលម្អខ្លួនឯង ដោយខិតខំជានិច្ច ដើម្បីក្លាយជាមនុស្សគ្រប់ជ្រុងជ្រោយក្នុងក្រសែភ្នែករបស់កូនស្រី។
៤.ម៉ាក់រស់នៅបានយូរនិងមានសុខភាពល្អ៖ អ្នកវិទ្យាសាស្ត្របានបង្ហាញឱ្យឃើញថា ក្នុងគ្រួសារដែលមានកូនស្រីច្រើន ម្តាយមានអាយុវែង និងមានសុខភាពល្អជាង។ ជាក់ស្តែង ការសិក្សាមួយពីប្រទេសកាណាដា បង្ហាញថា ស្ត្រីដែលផ្តល់កំណើតបានកូនស្រីច្រើនតែមិនសូវមានសម្ពាធ និងតានតឹង ដំណើរការនៃភាពចាស់នឹងកើតឡើងយឺត ដោយហេតុនេះ ពួកគេនឹងនៅក្មេង និងរស់នៅបានយូរជាងស្ត្រីដទៃទៀត បើធៀបនឹងស្ត្រីមិនមានកូន ឬ មានកូនប្រុស។ ដូច្នោះហើយ នៅអាយុ 60 ឆ្នាំ ភាពខុសគ្នារវាងអ្នកដែលមានកូនស្រី និងអ្នកដែលគ្មានកូនគឺខុសគ្នាប្រហែល 2 ឆ្នាំ។ អ្នកដែលមានកូនស្រីនឹងក្មេងជាង ហើយរស់បានយូរជាងអ្នកដែលមានកូនប្រុស៕
ព័ត៌មានថ្មីៗ
