ដូនតាពោលថា «មនុស្សមានលក្ខណៈ៣យ៉ាងនេះ ជីវិតនឹងបានចម្រើន សម្បូរសប្បាយ»

• 2024-07-15

បើបុគ្គលមានលក្ខណៈដូចខាងក្រោម នោះជីវិតរមែងសម្បូរសប្បាយ មានតែសេចក្តីសុខ សេចក្តីចម្រើន មិនសូវជាមានទុក្ខកង្វល់ ឬ បញ្ហាក្តីក្តាំងនៅក្នុងជីវិតនេះឡើយ។ ដូច្នេះហើយបើអ្នកសង្កេតឃើញថាខ្លួនមានចំណុចទាំងនេះដែរ ចូរសប្បាយចិត្តចុះ ព្រោះជីវិតអ្នកនឹងគ្មានថ្ងៃធ្លាក់ចុះនោះទេ៖

១.រស់នៅដោយស្មោះត្រង់៖ ភាពស្មោះត្រង់គឺជាប្រភពនៃសុភមង្គលក្នុងជីវិតរបស់មនុស្ស។ មនុស្សដែលមានចិត្តល្អដូចសមុទ្រជ្រៅ ទាំងចេះអធ្យាស្រ័យ ទាំងចិត្តទូលាយ ដោយមិនគិតចង់ធ្វើបាបអ្នកដទៃ មនុស្សទាំងនេះអាចអត់ធ្មត់ និងចេះជួយអ្នកដទៃដោយស្មោះ។ មនុស្សដែលរស់នៅដោយចិត្តសប្បុរសនឹងតែងគិតដល់អ្នកដទៃ ហើយមិនប្រជែងនឹងអ្នកដទៃដើម្បីឈ្នះ ឬ ចាញ់ឡើយ។ មនុស្សល្អតែងតែគិតពីអ្នកដទៃ ពួកគេជឿថាក្នុងជីវិតនេះមានហេតុ និងផល ល្អ និងអាក្រក់ត្រូវបានវិនិច្ឆ័យដោយទេវតា បើអ្នកធ្វើអំពើល្អច្រើន អ្នកនឹងបានរួចពីរឿងអាក្រក់។ ត្រូវចាំថា ទ្រព្យសម្បត្តិ កេរ្តិ៍ឈ្មោះ និងកិត្តយសអាចបាត់បង់ ប៉ុន្តែភាពល្អមិនអាចបាត់បង់បានទេ។

២.មនុស្សពោរពេញដោយថាមពល និងទំនុកចិត្ត៖ មនុស្សដែលពោរពេញដោយថាមពល និងទំនុកចិត្ត ត្រូវបានគេស្រលាញ់ និងស្វាគមន៍គ្រប់ទីកន្លែងដែលពួកគេទៅ។ នៅក្បែរពួកគេ មនុស្សនឹងមានអារម្មណ៍ដូចជានៅជិតកាំរស្មីនៃព្រះអាទិត្យពេលព្រឹក ទាំងស្រស់ស្រាយ ភ្លឺស្វាង និងពោរពេញដោយថាមពល។ មិនថាអ្នកមាន ឬ អ្នកក្រ មិនថាអ្នកស្អាតដូចផ្កា ឬ មធ្យមក្នុងភាពស្រស់ស្អាតនោះទេ ឱ្យតែអ្នកមានទំនុកចិត្ត ចេះសម្លឹងទៅមុខជានិច្ច អ្នកនឹងក្លាយទៅជាមនុស្សគួរឱ្យស្រលាញ់។ មនុស្សដែលមានទំនុកចិត្តអាចទទួលបានជោគជ័យយ៉ាងងាយស្រួលក្នុងការងារ ជីវិតរបស់ពួកគេច្រើនតែមានភាពរុងរឿង និងសម្បូរបែប។

៣.រស់នៅដោយចេះបន្ទាបខ្លួន៖ កង្កែបដែលអង្គុយក្នុងអណ្ដូងមិនយល់ មិនដែលឃើញមេឃខៀវនៅខាងលើឡើយ។ ការបន្ទាបខ្លួននាំមកនូវអត្ថប្រយោជន៍ជាច្រើន ទីមួយវាបណ្តុះគំនិត ទីពីរវាជៀសវាងការមើលងាយ និងទីបីកុំអោយយើងក្លាយជាតួកំប្លែងក្នុងភ្នែកអ្នកដទៃ។ កាលណាអ្នករស់នៅដោយបន្ទាបខ្លួនកាន់តែច្រើន ជីវិតអ្នកនឹងកាន់តែងាយស្រួល ហើយអ្នកនឹងទទួលបានពរជ័យកាន់តែច្រើន៕