មន្តស្នេហ៍អាថ៌កំបាំងរបស់មនុស្សស្រីទាំង ៥ ដែលធ្វើឱ្យបុរសលង់ស្នេហ៍ដកចិត្តមិនរួច
មនុស្សប្រុសខ្លះស្រលាញ់មនុស្សស្រីរើសណាស់ មិនងាយត្រូវចិត្ត ឬ មើលចូលភ្នែកពួកគេនោះទេ តែករណីលើកលែងមានចំពោះនារីទាំង៥ប្រភេទនេះ ដែលអាចបន្ទន់ចិត្តមនុស្សប្រុសបាន ធានាថាប្រុសណាឱ្យតែបាននៅជិតគឺដឹងតែស្រលាញ់នាងដកចិត្តមិនរួចឡើយ៖
១.ទន់ភ្លន់ទាំងពាក្យសម្ដី និងកាយវិការ៖ បុរសជាច្រើនគិតថា ភាពទន់ភ្លន់ និងភាពជាស្ត្រីរបស់នារី ធ្វើឱ្យពួកគេរំជួលចិត្តយ៉ាងខ្លាំង បើទោះបីជាពួកគេទើបតែបានជួបនារីនោះជាលើកដំបូងក៏ដោយ។ នេះជាភាពទាក់ទាញរបស់មនុស្សស្រី ព្រោះភាពទន់ភ្លន់នៅក្នុងក្រសែភ្នែកមនុស្សប្រុស វាជាំទង្វើដែលគួរឱ្យស្រលាញ់បំផុត ដូច្នេះទើបពួកគេឲ្យតម្លៃ និងស្រលាញ់ស្រ្តីដែលចេះទន់ភ្លន់។
២.មានចិត្តអត់ធ្មត់៖ មនុស្សប្រុសពេញចិត្តបំផុតគឺមនុស្សស្រីដែលចេះអត់ធ្មត់នឹងការលំបាក ជាពិសេសមិនឆាប់ឆេវឆាវនឹងរឿងបន្តិចបន្តួច។ ចិត្តអំណត់នេះហើយដែលធ្វើឱ្យបុរសមានអារម្មណ៍ថាស្រ្តីម្នាក់នោះមានចរិតចាស់ទុំ ដឹងការរាក់ជ្រៅ និងស្រួលរស់នៅជាមួយបំផុត។
៣.មានចិត្តស្រស់ស្អាត៖ សម្រស់លាក់កំបាំងដ៏ទាក់ទាញបំផុតរបស់មនុស្សស្រីគឺការមានព្រលឹងដ៏ស្រស់ស្អាត។ ស្ត្រីដែលមានចិត្តគំនិតស្រស់ស្អាតនឹងមានអាកប្បកិរិយាស្ងប់ស្ងាត់នៅគ្រប់ស្ថានភាពទាំងអស់។ ស្ត្រីម្នាក់ដែលដឹងពីរបៀបបណ្តុះចិត្តគំនិតខាងក្នុងរបស់នាងនឹងមានភាពអស្ចារ្យ និងទាក់ទាញយ៉ាងខ្លាំង ព្រោះវាជួយឱ្យមើលទៅមាននិស្ស័យល្អ គួរឱ្យចង់នៅជិត។
៤.មានភាពវិជ្ជមាន៖ ប្រភេទនៃស្ត្រីដែលមានរបៀបរស់នៅវិជ្ជមាន និងសុទិដ្ឋិនិយមនឹងធ្វើឱ្យបុរសលង់ស្នេហ៍នាងយ៉ាងខ្លាំង។ដោយសារតែនារីម្នាក់នេះ មានភាពទាក់ទាញខ្លាំង ទោះជួបការលំបាកយ៉ាងណាក៏ដោយ នាងងាយនឹងយកឈ្នះ ដោយសារតែនាងមានភាពជឿជាក់ និងទំនុកចិត្តលើខ្លួនឯង។
៥.ចេះយល់ចិត្ត ៖ ចំណុចនេះគឺពិសេសបំផុតនៅក្នុងចិត្តមនុស្សប្រុស ពោលគឺដោយសារមនុស្សប្រុសមានក្តីស្រមៃច្រើន ហេតុនេះពួកគេតែងតែចង់មាននារីម្នាក់នៅក្បែរចាំគាំទ្រ និងលើកទឹកចិត្តពួកគេឱ្យសម្រេចបាននូវគោលដៅធំៗក្នុងជីវិត៕
ព័ត៌មានថ្មីៗ
